Popular Bible Verses from Zãn 21

Share

Ɛ́ hɔ́ lɛ ɛ́ ɓɛ́ dú vɔ́, ɛ́ Yiezu ɛ́ zɔn ɛ́ Simɔn Piɛre ɛ̀ dìenin nɛ làa: «Zãn yɛ̀nù Simɔn, kɔ́ wɛ mi ɛ́ pɔ ɓɛpe lɛ bòo lɛ ɛ́ ɓɛ́ dàa wɛ mi?» Á zɔn nɛ: «Ũun, Ɲunsɔ, kɔ́ dũ kɛ́ ń wɛ kɔ.» Ɛ́ Yiezu zɔn bie lɛ́ à ǹ nɛ: «Ɛ́ kɔ́ ɓɛ́ɓɛ́ niǹ pi-zàani ǹ.» Á bĩniɛ zɔn dìe ɔ̀ ǹ kɛ̀a yìehɛ̃ ɲulán ɛ́ nɛ: «Zãn yɛ̀nù Simɔn, kɔ́ wɛ mi?» Ɛ́ Piɛre zɔn nɛ: «Ũun, Ɲunsɔ, kɔ́ dũ kɛ́ ń wɛ kɔ.» Ɛ́ Yiezu zɔn bie lɛ́ à ǹ nɛ: «Ɛ́ kɔ́ ɓɛ́ɓɛ́ niǹ pirìe ǹ.» Á bĩniɛ zɔn dìe ɔ̀ ǹ kɛ̀a yìehɛ̃ tĩlán ɛ́ nɛ: «Zãn yɛ̀nù Simɔn, kɔ́ wɛ mi?» Ɛ́ Piɛre tĩì yòó yáa iè hɔ̀ lɛ ɛ́ Yiezu dìkɛa ɔ̀ ǹ fúu yìehɛ̃̀ tĩ nɛ a wɛ mi? Á zɔn kɔ̃́niɛ ɔ̀ nɛ: «Ɲunsɔ, kɔ́ dũ bòo míkùi, kɔ́ dũ kɛ́ ń wɛ kɔ!» Ɛ́ Yiezu zɔn bie lɛ́ à ǹ nɛ: «Ɛ́ kɔ́ ɓɛ́ɓɛ́ niǹ pirìe ǹ.

Nin khɛ́ hɔ́ lɛ́ kɔ ǹ àá bɔ̀bín: Hɔ̀ lɛ ɛ́ kɔ́ hṹn iè zufìɛ, ɛ́ kɔ́ hṹn wóò ɓùó kɔ́ tĩ́ihṹ kɔ̀te ǹ, ɛ̀ kɔ̀ vɛ le viì lɛ ɛ́ kɔ́ wɛ. Kɛ́ pɛ̃̀hṹ lɛ kɛ́ kɔ́ van kĩ́nɛ, ɛ́ kɔ́ wóo ɓén hóoní kɔ́ níhĩ́, ádɔ̀ ɛ́ teń kɔ́ tĩ́ihṹ ɛ́ zɔ́ ɓùó, à ɛ́ dàá kɔ ɛ́ dàá vɛ viì lɛ ɛ́ kɔ́ yí wɛ nɛ kɔ vɛ hũn wɛ̀.»

Á zɔn bie lɛ́ ɓà ǹ nɛ làa: «Mì tɛ́ lé tàarí ɛ̀ khíi viɛní àá lé wiè ńdóonín ɛ́ mí ɛ́ yí ɓɛ́dɔ̀.» Ɛ́ ɓɛ́ tɛ́ lé tàarí ɛ́ khie viɛniɛ, ɛ́ ɓɛ́ khũ̀a ɛ́ lè leń taani iè bòo lɛ ɛ́ lé dàa tṹ àá ɓɛ́ ciè.

Ɛ́ Simɔn Piɛre ɛ́ zɔn bie lɛ́ ɓà ǹ nɛ làa: «Ń vaá-vɛ ciè paǹlén.» Ɛ́ ɓɛ́lɛ kɛ́ ɛ́ zɔn bie lɛ́ à ǹ nɛ: «Kèpe lò ɓiɛ̀ ke bè ɓán àá kɔ.» Ɛ́ ɓɛ́ khie van zɔn lè ɲumu wiè ɛ̀ ɓɛ̀ cɔ́. Ɛ́ ɓɛ́ van pan cãa kɛ́ ɓɛ́ yí yí bòo dɔ̀ wɛ̀.