Popular Bible Verses from LUG 8

Share

Mbèere maga ray wo ti ngel ma de sõʼ gen wo diŋ jar maga laa wo wããre no, ɗawn wo ɓil ɓaara de el doo mo ɓaaran no, lag wo de el ngiŋ, hãã wo wo rug mbèere.

Mbèere maga ray wo ti ngel maga ɗewseŋ ni wo diŋ jar maga laa wo wããre no, ama ɗiggi fẽẽre ma gesiŋ la wo de koŋne horogren wo de fruygi maga riŋ ga saaran raw wo gig gi go ne hara ti ɓrid saara rug gà.

Jar maga wo de maŋ ngel ma de jeʼãy, laa wo mbaara wããre no, yããn wo go ɓil fehe, ama á day wo men ge ɓe laa cẽw ɓil ɓaara ga, lag wo de hã ɓil ɓaara ne Baa meʼ koɗe, Manhúulí leʼ we jãɗ rage ga da ga á mo laa wo go joŋ re ma de ɓlagge, á raw wo mbuɗ faale ne wããren tuu.

Yeso raw riŋ jar ma wer ɓen wo ga : Ɓa hãge see ɓay ne Baan gen yaw ɓa? Ama hẽẽne joŋ ra debaŋ, á ngris wo debaŋ lay, á raw wo riŋ kããra ga : Ɓa je sen mo deŋ diŋ wose ga car põõ ne leege wo de kaŋngaw bii, saara yãã jag ɓe lay ɓuy mo ɓa?

Jar po wo de maŋ jeŋ faage maga mbèeren ray go ni, á coʼ wo mbaara sugi, ama Manhúulí raw age ndar wããren go ne hara ɓili, maga á mo hã wo see ɓaara ne Baa wa, mo yãã ge wo go jag ɓlagge ɓaaran wa lay.

Fẽẽre maga jar bay wo ko ge ɓe wa ɗa mo ɓuy, à wo ge yaŋ ko ge ɓe go. Fẽẽre maga hay yaŋ de yoŋ ge ga jar ko sen ga ɗa, à wo ge go ko ge ɓe de naa nen go tinoo nen jar poɗage.

Wãy wo koge ga re sen naa nen we gom kay, á raw age le daɗ ge caw, raw leʼ monɗra pel Yeso, raw wããge go ti re maga se duʼn ti ɓe, day se pẽẽ go lay ne hẽn pel ngaɓan kaʼ ɓuy. Yeso raw ɗe ge ɓe ga : May ɓi no, hãge see ɓo ne Baan pẽẽ ndo we go, see mbo jam so.

Jar ma wer ɓen raw wo yaʼge see ɓe pũy gi ɓe, raw wo ɗe ge ɓe ga : Waŋ, Waŋ, naa go de bas ge. Yeso raw urgi ciŋ raw caa põõ ne leegen wo de maarog de egre. Á raw wo ham ge gesiŋ, raw wo lagge seɗem.