Popular Bible Verses from Ruuka 8

Share

“Jimbibho jinu ꞉jaaguuwe mu‑mayaru ga ekisi, ejisusanyibhwa na abhaanu bhanu abhoongwa omusango gwa Nyamuwanga, nibhagugwata mu‑mwoyo gwa echimari, na mu‑bhwigumiirisya bhwebhwe abhatwasya amatwasyo omwanya gwone.

“Jimbibho jinu ꞉jaaguuwe mu‑mawa, ejisusanyibhwa na abhaanu bhanu abhoongwa omusango gwa Nyamuwanga, nawe nibhayiganywa na obhwiganirisya bhwa obhurame bhwa ku‑chaaro na obhurigire bhwa obhuniibhi. Ejo nijo ejikora eriikirisya ryebhwe ritakusoosya amatwasyo ga ekisi.

“Jimbibho jinu ꞉jaaguuwe ku‑rutare, ejisusanyibhwa na abhaanu bhanu abhoongwa omusango gwa Nyamuwanga, nibhaguramira kwa rikonderwa enene, nibhagwikirisya katungu katooto era. Nawe omwanya gunu abharegeejibhwa abhagusiga. Bhari rwa amati ganu emisi jaago jiri ingurunguru era.

Mbe, ˆnaabhabhwira ati, “Riryaki eriikirisya ryemwe?” Nibharuguura na okuubhaya muno. Nibhabhuusyanya ati, “Unu ni muunu wa mbaga ki? Kaagonya omuyaga na amakonjo, awoawo nibhimugayuka!”

Jimbibho jinu ꞉jaaguuwe ku‑njira ejeeresya ati, ni bhaanu bhanu abhoongwa omusango gwa Nyamuwanga. Bhaakamara okutegeresya, awoawo, Syetaani ˆnaaja, ˆnaagusoosya mu‑myoyo jeebhwe, bhaasiga okugwikirisya na okuchungurwa.

“Nyabhuriko, echiinu choonechoone chinu chibhisirwe, chiriswerurirwa, ka wone imbisike yooneyoone, irimenyekana.

Omugasi oyo, ejire aarora ati atakutura okwiyibhisa rindi, ˆnaaja ku‑Yeesu enu ˆnaayararaga bhugubhugu. ˆNeefukama, ˆnaamubhwira imbere ya abhaanu abho bhoone, isonga ya okumukuunʼya‑ko, na kutyo aawosibhwa. Mbe, Yeesu ˆnaamubhwira ati, “Muyaasya waani, waawosibhwa ku‑songa ya eriikirisya ryawo! Nuugende na omurembe.”

Abheeyigisibhwa abho, nibhagenda bhwangu okumurafya keenu nibhakungaga ati, “Raatabhugenyi! Raatabhugenyi! Echisingaarika!” Neeya, Yeesu ˆneemuka, ˆnaagonya omuyaga na amakonjo, awoawo inyanja niibha etore chimwi.