Popular Bible Verses from Yowana 21

Share

Mbe, bhejire bhaamara okurya, Yeesu ˆnaabhuusya Simooni Peetero ati, “Simooni, omwana wa Yowana, angu, unyendere muno okukira kutyo abheejaanyu bhanu abhanyenda?” Peetero ˆnaamusubhya ati, “Yee, Raatabhugenyi, awe umenyere ati nikwendere.” Yeesu ˆnaamubhwira ati, “Yangarira abhaana bha jinaama bhaani.” Yeesu ˆnaabhuusya Peetero rwa kabhiri ati, “Simooni, omwana wa Yowana, angu unyendere?” Peetero ˆnaamusubhya ati, “Yee, Raatabhugenyi, awe umenyere ati nikwendere.” Yeesu ˆnaamubhwira ati, “Reebha jinaama jaani.” Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

Ni chimari enikubhwira ati, omwanya gunu waariga uchaari mumura, waariga unarire okufwara emyenda jaawo omwene, na okuja woonewoone anu weendaga. Nawe aribha waakokora, urigorora mabhoko gaawo na omuunu owundi arikubhoya na okukusira anu utaryenda okuja.”

Yeesu ˆnaabhabhwira ati, “Mwese rigoobhe orubhaara rwa ebhuryo rwa ingama, omuja okubhona jiiswi.” Mbe, nibheesa rigoobhe mu‑nyanja, nibhataamibhwa okurikurura kwa okubha ꞉bheetire jiiswi nyafu muno.

Simooni Peetero ˆnaabhwira abheejaabho ati, “Siga nigende okutega jiiswi.” Abheene nibhamusubhya ati, “Eswe wone echigenda aamwi na awe.” Mbe nibhagenda, nibhariinya mu‑ngama, nibhatega jiiswi ingeta yoone, nawe ꞉bhateetire iiswi noorwo imwi.