Popular Bible Verses from Yowana 19

Share

Yeesu ejire aarabha isese eyo, ˆnaayika ati, “Naamara omurimu gwani!” Mbe, ˆneenamya omutwe gwaye, ˆnaafwa.

Mbe, Yeesu ˆnaasombookerwa ati aariga aamarire okukora emirimu jaaye joone. Mbe, ˆnaayika ati, “Obhwiro bhwanyita.” Kurwa ejo, nijikuumira jinu jikaamirwe mu‑Bhikaame Ebhyeru.

Yeesu ejire aarora nyiramwene na omwiyigisibhwa unu Yeesu aariga eendere muno eemereeguuyu ayeeyi na nyiramwene, ˆnaayika ati, “Maayi, ringira oyo. Nuumukore okubha omwana waawo.” Ka wone ˆnaabhwira omwiyigisibhwa oyo ati, “Ringira oyo. Nuumukore okubha nyokomwana.” Mbe, okusookerera omwanya ogwo, nyira Yeesu ˆnaagegwa na omwiyigisibhwa oyo, ˆnaagenda okwikara nage mu‑musi gwaye.

Nawe bhejire bhaagenda ku‑Yeesu, nibhamusongʼana afuuwe, kurwa ejo ꞉bhataamubhutuuwe amaguru. Nawe omusirikare umwi ˆnaasoma Yeesu richumu mu‑rubhafu. Mbe, awoawo isagama na amanji nibhiwurura.

Ejo ꞉jaakorekeene korereki jikuumire jinu jikaamirwe mu‑Bhikaame Ebhyeru ati, “Ritari‑wo riiwa ryaye noorwo rimwi rinu riribhutuka.” Ka wone jikaamirwe mu‑Bhikaame Ebhyeru ati, “Bharirora omuunu unu ꞉bhaasomere.”

ˆNaagega omusarabha gwaye omwene, ˆnaasooka mu‑musi, ˆnaagenda anu mu‑nyaayika ya Echiyebhuraniya kaatogwa ati Gorigoota, obhugajuro bhwagwo ni chiyanga cha omuunu.

Abhasirikare nibhasinga orutengya rwa amawa, nibhamufwafya ku‑mutwe. Ka wone nibhamufwafya omwingiro gwa ijambarawu, korereki abhonekane wuti ni mukama.