Popular Bible Verses from Ebhikorwa bhya Jitumwa 1

Share

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

ˆNaabhabhwira ati, “Jisiku ja emisango ejo, jitari inguru yeemwe okujimenya, kwa okubha ni Raata omwene era, ku‑bhuturo bhwaye niwe aramuuye ati, jirikorekana rusuku ri.

Rusuku rumwi, bhunu Yeesu aariga ˆnaarya aamwi na jitumwa ejo, ꞉aabharagiriiye ati, “Mwasiga okusooka mu‑musi gwa Yerusareemu. Tari, murindirire omwoomwo, okukingira omwanya gunu omuja okuramira omurago gunu Raata ꞉aabharagire rwa kutyo ꞉naabhabhwiriiye. Okubha, Yowana ꞉aabhatiijiisye abhaanu mu‑manji, nawe jisiku jitari nyafu emwe omuja okubhatiijibhwa kwa Mwoyo Mweru.”

Ejire aasuuruka okusooka mu‑fwa, ꞉aamarire siku makumi gana, ˆneebhuurisya ku‑tumwa ejo kwiya kaafu. Mu‑bhibharikisyo bhyafu aabheeresyaga abhwerubhweru ati ni muwanga na aabheeyigisyaga emisango ja obhukama bhwa Nyamuwanga.

Yeesu ejire aamara okwayika ejo ku‑tumwa jaaye, ˆneengʼengibhwa okugenda mu‑rwire. Eriire nirimuswikira, ꞉bhataamurorere rindi.

Omwanya gunu bhaariga bhachaaroreerera ku‑rutumba nekeneke, awoawo, nibheemereeguru abhaanu bhabhiri yeeyi nabho, bhanu bhaariga bhafwaye emyenda emyeru pee! Nibhaayika ati, “Emwe abhaanu bha Gariraaya, ni kurwa ki mwimereeguuyu anu keenu omuroreerera ku‑rutumba? Yeesu unu aagegwa okusooka kw‑imwe okugenda mu‑rwire, arisubha rindi, rwa kutyo mwamurora ˆnaagenda.”