Popular Bible Verses from Marcos 13

Share

Opavaretapo pyndyreshatããkui shyryhevaperã, tẽvã tãtangãtu'õ japyapeve, hokavapo oho jepekui.

Pymaĩ katupẽĩ, avy peche, hareka pirure katu shara pikuãã mbaipera vãhẽpo hoka ara.

Hãma pyndyrahama mburuvishare hỹnonderã avy pejepy'apyhe pere verã rãĩmi, ñee me'ẽãpevaĩpo perekui, shara ha'ẽã pee pijeta verã; Espiritu Santo rãngapo ijetakui.

Ara hareka yvy opapo, tẽvã shiñee opããpo hai.

Tẽvã hokava ara hareka ora mba'ety kuaava, Tũpa jokuevare arapy'iare hareka Tũpa Tay kuaa'ãĩ jyve, koñeĩ Tuu kuaa.

Pikuama ñyrãrõva ikorã hareka mbe'uha ñyrãrovarã, avy pykyje, shara kyrãñoĩpo iko; tẽvã ha'ẽã opamahe verã.

Hãrã avy peche, shara pikuaã mbaipera oujypo oo ija, ka'arurãra, pyhare mbytepera, uru ñyrããma'ẽrãra, kõĩ ourãra, maĩrã kõ'ẽĩra, mahẽ sapy'ãĩ ourã pyndysapyakui pechepẽĩrã. Kova haipeva, opaitevape hai: Avy peche.

Hãma tentavasure hareka mburuvishavasure opapo pũã ijehe; oparupipo iko yvy ryry, hareka õĩpojy ñymbahy; kova hai jyhasa'asy tynonde'õre.

Shara ndeiteri ara japyrã, mbe'uhañõĩpo Ñee kaviva opa tenta retaipi.

Hetapo ou shyreepe heiva: “She hai Cristo”, hãma hetavapepo mbytavy.

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Shara oupo Cristo rã'angarã'ia hareka Tũpa ĩñee mbeu'ia japureiivare, hetapo japo mbai heshaha verã hareka mbaikavi heshaha verã pyrỹmbytavy verã, Tũpa pyhỹrõva retavepo mbytavy.

Hokava arape, jyhasa'asy hasamarã, kuarasy ovepo hareka jasy sapeveãmapo. Jasy tatare opapo oa vate araivi, hãrã mbai arapy'õre mbaikatu opapo'õmykui.