Popular Bible Verses from Mateo 18

Share

Hãma mokue, maĩrã mbahapy shyreepe ñymbatyva, she haipe ãĩ hãndi reta.

She hai jyve pee, mõkue peeva piñiñono pente ñeepe ko yvy'ĩãrẽ, pee pota pirureva ñymboipe, Sheru arapy'õva ẽvãpe meẽpope.

Haivi hẽno pente sanjaymi ñono mbyteperã, hei: Ãñete hai pee, piko vekua rãĩmi pyhejããrã hareka pikoã sanjay rãĩmirã picheãpo huvisha vasu vate arapy'õ ẽvãpe.

Ko sanjay rãĩmi ñimimishĩva, hokavapo mbai vasuve huvisha vasu vate arapy'õpe.

Ĩme'ẽ kuareta shyreepe myvãheva ko sanjay rãĩmi, shee shymyvãhe.

Añeteva hai pee, pee piñapintiva ko yvy'ĩãrẽ, ñapintiãpo jyve vate arapy, hareka pee pijora ko yvy'ĩãrẽva jorahapo jyve vate arapy.

Hãrã Jesús hei: Kyrã jyve Sheru arapy'õ japopo pyndyrehe pepenteĩ, pãtẽỹ pyhejareiishi pyndypyaivive papisharã.

Ĩme'ẽ mbai porãmba japokashua kova sanjay rãĩmi jyroja shyreheva, haikavivepo jajure ñapitĩha pente jytaky vasu momboha yyvasupe.

Mãrãra pereshu? Pente kuareta ĩmere 100 avisharã, kañyshi pentevarã, hejarapo 99 õ yvyturusu kyty ĩrũre hãrã oho hekajy pente kañyshia?