Popular Bible Verses from Yohanes 19

Share

Pada nofenami angguru mokolo naꞌa, Yesus nopugaumo ambano, “Notokamo!” Pada anaꞌa nofolongkomo fotuno maka nofotawakala inawano, nobhotumo.

Pada anaꞌa, Yesus nopandeꞌaanemo bhahi-bhahiꞌae nopalusimo. Dadiꞌanomo nopugaumo ambano, “Nokekele wuꞌuku!” Kanandooꞌano peda ini somo nakoꞌulaꞌao wambano Kitabi.

Nowoha inano bhe anaguhu kamoasiꞌaono, Yesus nopugaumo ne inano ambano, “Ina, aituꞌaemo anamu!” Pada anaꞌa nopugaumo ne anaguhu kamoasiꞌaono ambano, “Aituꞌaemo inamu!” Notandamo ne naꞌa anaguhu maitu nofoatemo Maria weo lambuno.

Tamaka dohato ne Yesus, dowohae ingka gahaꞌa nomatemo, sampe miinamo datumampuliea aꞌenoa. Seemie ne olotando tantara maitu nokahadamo tompano kaha-kahano Yesus, lasao nekamawa hea bhe oe.

Kapaꞌamo kosasawiꞌae maitu nokadhadhia somo nakoꞌulaꞌao tibuhino weo Kitabino anabii, “Pae bhe bukuno so netampundo.” Nandoo dua wambano Kitabi peda ini, “Andoa daꞌumondo-ondo mie nekahadando.”

Poowa notongku sau salipuno, Yesus nolimbamo we simbalino kota nohope te kabhawo nekonando Kaꞌuada. Weo wamba Ibrani dokonae Golgota.

Tantaraꞌi dekinianemo songko peda songkono omputo maiꞌao ne haꞌano sau kokihi maka dofokanae ne fotuno bhe dofopakeane dhuba wungo.