Popular Bible Verses from मत्ती 15

Share

मगर जे बुरा गोइठ आदमी केर मुँह से निकलेला, उ आदमी केर मन से निकलेला, आउर ओहे आदमी के अशुद्ध करेला। काले कि बुरा बिचार, हत्या, दोसर जनाना केर संग संबंध बनाएक, ब्यभिचार, चोरी, झूठा गवाही आउर निंदा आदमी केर मन से हें निकलेला।

जे मुँह में जायला, उ आदमी के अशुद्ध नी करेला, मगर जे मुँह से निकलेला, ओहे आदमी के अशुद्ध करेला।”

‘इमन मोर बारे में अपन मुँह से तो ढेइर बेस-बेस गोठियायना, मगर सचमुच में मोर से प्रेम नी करैना। आउर बेकार में मोर भक्ति करैना, काले कि इमन आदमी मनक बनाल नियम के एइसन सिखायना जइसन कि इ परमेश्‍वर केर आगया हेके।’ ”

उकर गोइठ सुइन के यीशु उके जबाब देलक, “हे जनाना, तोर बिसवास बाड़ अहे। जइसन तोंय चाहिसला, तोर लगिन उइसनेहें होवोक।” आउर उकर बेटी ओहे बेरा ठीक होई गेलक।

मगर एतने में उ जनाना यीशु ठिना आलक आउर उके प्रणाम काइर के कहलक, “हे प्रभु मोर मदइत कर।” यीशु जबाब देलक, “छउवा मनक लगिन पोरसल रोटी के लेई के कुकूरमन केर आगे फेइक देवेक बेस ना लगे।” उ जनाना कहलक, “सच कहले प्रभु, मगर कुकूरमन हों तो मालिक मनक टेबुल से गिरल जूठा-कठा के खायना।”