Popular Bible Verses from मत्ती 13

Share

एहे लेखे उपजाऊ भूंई नियर उ आदमी अहे, जेकर उपरे बिहीन गिरलक, उ बचन के सुइन के बुझेला आउर अपन जिंदगी में बढ़ियाँ फार लानेला, जे लेखे बेस बिहीन फार लानेला, केऊ सौ गुणा, केऊ साठ गुणा, आउर केऊ तीस गुणा।”

एहे लेखे काँटा झूँड़ से भरल भूंई उ आदमी नियर अहे जेकर उपरे बिहीन गिरलक, उ बचन के सुनेला मगर दुनिया केर चिंता-फिकिर, आउर धन केर मोह-माया उकर मन में भाइर जायला आउर बचन के दबाय देवेला आउर बेगर फार केर जिंदगी जियेला।

जे केऊ परमेश्‍वर केर राइज केर बचन के सुइन के नी बुझेला, उ आदमी डहर किनारे केर भूंई नियर अहे, उके जे कोनों बचन बताल जाय रहे, शैतान आय के उकर मन से बचन के निकलाय देवेला आउर उ बुझेक नी पारेला।

आउर जे आदमी बचन सुइन के तुरते रिझे-रिझे अपनाय लेवेला, उ आदमी रुगड़ी भूंई नियर अहे। मगर उ बचन के अपन मन में भीतरे तक बसेक नी देवेला, उ थोरेक दिन लगिन रहेला। आउर जब बचन केर चलते उकर उपरे बिपइत या ससइत आवेला, तो उ तुरते परमेश्‍वर केर बचन उपरे बिसवास करेक छोइड़ देवेला।

स्वरग केर राइज खेत में लुकल किमती खजाना जइसन अहे, जेके केऊ आदमी पाय के उके फिन से लुकाय देलक, ताकि उ केखो ना मिलोक, उ आदमी खुशी से जाय के अपन सोउब कुछ के बेइच के उ खेत के कीन लेलक।

मगर थोरेक बिहीन उपजाऊ भूंई उपरे गिरलक आउर फारलक, केऊ सौ गुणा, केऊ साठ गुणा, केऊ तीस गुणा।

कटनी तक दुयो के संगे बढ़ेक देवा, आउर कटनी केर बेरा मोंय कटइयामन के कहमूँ, पहिले जंगली घास केर बुदा के काइट के पोड़ाएक लगिन उकर गठरी बाइंध लेवा आउर उकर पाछे गोहोम के मोर कोठा में जमा करा।’ ”