Popular Bible Verses from लूका 17

Share

तब यीशु उकर से कहलक, “उइठ के चाइल जा, तोंय बिसवास करले से लगिन ठीक होई जाहिस।”

अगर दिन भइर में उ सात बेर तोहर बिरोध गुन्हा करी आउर सातों बेर तोहर ठिना आय के कही, ‘मोर से गलती होलक, मोके क्षमा काइर दे।’ तो तोहरेमन उके क्षमा करते जबा।”

तब उमन में से एक झन इ देइख के कि उ ठीक होई जाय हे, जोर से परमेश्‍वर केर बड़ाई करते यीशु ठिना घूइर आलक। आउर यीशु केर गोड़ तरे निहइर के उके धन्यबाद देवेक लगलक। इ सामरी आदमी रहे।

से लगिन सावधान रहा कि तोहरेमन का कराला, अगर तोहर बिसवासी भाई गुन्हा करेला, तो उके मना करेक लगिन समझावा, आउर अगर उ अपन गलती माइन लेई तो उके क्षमा काइर देबा।

से लगिन यीशु कहलक, “का दसो झन ठीक नी होलैं तो फिन उ नौ झन कहाँ अहैं?

प्रभु यीशु कहलक, “अगर तोहरेमन केर बिसवास राई केर माँजी बराबइर हों होतक, तो इ तूत केर गाँछ से कहता, ‘जाइर से उखइर के समुदर में चाइल जा।’ तो उ तोहरे केर आगया के माइन लेतक।

जे केऊ अपन जीउ के बचाएक चाही, उ जुग-जुग केर जिंदगी के गवाँय देवी, आउर जे केऊ मोर लगिन अपन जीउ के गवाँय देवी, उ जुग-जुग केर जिंदगी के पावी।

यीशु फिन अपन चेलामन से कहलक, “दुनिया में आदमीमन बिसवास से जरूर भटकाबैं, मगर हाय, उ आदमी उपरे जे मोर उपरे बिसवास करेक वाला आदमीमन के भटकायला। अगर केऊ छउवा जइसन आदमी में से एको झन के मोर उपरे बिसवास करेक से बहकायला, उकर लगिन भला होतक कि उकर घेंचा में एगो बड़का पखना केर जाँता बाँधल जातक आउर उके डुबेक लगिन समुदर में फेइक देवल जातक।

जइसन हमर पुरखा नूह केर परिया में होई रहे, तइसनेहें मोंय आदमी केर बेटा केर परिया में हों होवी। जे दिन तक नूह जहाज उपरे नी चढ़लक, उ दिन तक आदमीमन खाते-पिते रहैं, आउर उमन में सादी-बिहा होते रहे, तब बाइढ़-पानी आलक आउर सोउबमन के डुबाय के बरबाद काइर देलक।