Popular Bible Verses from यूहन्ना 3

Share

काले कि परमेश्‍वर दुनिया केर आदमीमन से एइसन प्रेम करलक कि उ अपन एकलौता बेटा के देई देलक, ताकि जे केऊ उकर उपरे बिसवास करी, उ नाश नी होवी मगर जुग-जुग केर जिंदगी पावी।

काले कि परमेश्‍वर अपन बेटा के दुनिया में आदमीमन के नाश करेक लगिन निहीं मगर उमन के बचाएक लगिन भेइज हे।

यीशु उके जबाब देलक, “मोंय तोर से सच-सच कहाथों, अगर केऊ नवाँ सिरा से नी जनमी तो उ परमेश्‍वर केर राइज के देखेक नी पारी।”

जे उकर बेटा उपरे बिसवास करेला, उके दंड नी देवल जायला, मगर जे उकर बेटा उपरे बिसवास नी करेला, उ दोषी ठहइर चुइक हे, काले कि उ परमेश्‍वर केर एकलौता बेटा केर नाँव उपरे बिसवास नी करलक।

आउर दोषी ठहराएक केर कारण एहे हेके कि इंजोत दुनिया में आय हे, मगर आदमीमन अंधार के इंजोत से बगरा पसिंद करलैं काले कि उमन केर काम बुरा रहे।

इ जरुरी अहे कि उ बढ़ते जाओक आउर मोंय घटते जामूँ।”

काले कि जे केऊ बुराई काम करेला, उ इंजोत से बैर रखेला, आउर इंजोत केर भीरे नी आवेला, एइसन ना होवोक कि उकर काममन केर उपरे दोष लगाल जाई।

जे परमेश्‍वर केर बेटा उपरे बिसवास करेला, उ जुग-जुग केर जिंदगी पाय हे, मगर जे परमेश्‍वर केर बेटा उपरे बिसवास नी करेला, उके जुग-जुग केर जिंदगी नी मिली, मगर परमेश्‍वर केर खीस उकर उपरे बनल रहेला।

जे लेखे मूसा सुनसान ठाँव में पीतल केर साँप के उपरे उठाय रहे, ओहे लेखे मोंय आदमी केर बेटा केर हों उपरे उठाल जाएक जरुरी अहे।

आबा परमेश्‍वर अपन बेटा से प्रेम करेला आउर उ उकर हाँथ में सोउब चीजमन के देई दे हे।