Popular Bible Verses from Ebhikorwa bhya Abhatumwa 2

Share

Peetero ˆnaabhabhwira ati, “Munuge ebhikayo bhyemwe wumwiwumwi, mubhatiisibhwe kw-isiina rya Yeesu Kiriisitu, musoosibhwe-ko ebhikayo bhyemwe. Mukamara gayo, omuramira Mwoyo Omutaakatiifu. Uyo niwe omusanga gwemwe okusooka ku-Nyamuwanga.

Abheeyigira bhayo ꞉bhaaramire ku-bhumwi bhuyo, mbeeyigiraga ameeyigisho ga abhatumwa bha Yeesu, na okuriira amwi, mbajomererwaga okurya kw-igari rya Raatabhugenyi, na okusaasaama Nyamuwanga.

Abhaanu bhayo bhoone kutyo mbeejushwa Mwoyo Omutaakatiifu, mbaamba okwaika mu-nyaaika nyafunyafu, rwa kutyo Mwoyo Omutaakatiifu ꞉aabhasakiiye okwaika.

Kimwi mbataka era, oruyiriro muna ruyiriro rwa omuyaga mwafu ndwiyungwanira. Oruyiriro ruyo okusooka mu-rwire ndwijusha mu-nyumba yoone kutyo munu ꞉bhaariga bheekaaye. Kimwi mbarora ebhiinu rwa gindimi gya omuriro, mbiswerana ku-bhaanu wumwiwumwi. Abhaanu bhayo bhoone kutyo mbeejushwa Mwoyo Omutaakatiifu, mbaamba okwaika mu-nyaaika nyafunyafu, rwa kutyo Mwoyo Omutaakatiifu ꞉aabhasakiiye okwaika.

Ku-nsiku ꞉bhaariga mbanyookana amwi mw-ibhanja rya riiyekaru, nawe bhunu ꞉bhaariga mbeekara okurya kw-igari rya Raatabhugenyi, ꞉bhaariiraga amwi ebhyokurya mu-nyumba gyebhwe bheerere emitima, enu bhajomeeywega. ꞉Bhaariga mbakumangya Nyamuwanga, mbajomisha na abhaanu bhoone kutyo. Na ku-nsiku Raatabhugenyi Yeesu ꞉aariga ˆneerusha abhaanu abhandi, na obhukumi bhwa abhaanu bhanu ꞉bhaariga mbeerusibhwa mbwiyongeshaga muno.

‘Nyamuwanga kaaika ati, “Ku-nsiku gya obhuteero, nirisuka Omwoyo gwani ku-bhaanu bhoone kutyo. Abhamura na abhayara bheemwe bharisoosha obhuragi, na abhamura bheemwe bharirora ebhiroro, na abhakaruka bheemwe bhariroota ebhirooto.

Abheeyigira bhoone kutyo ꞉bhaariga bhari amwi, na ꞉bhaatuuraga amwi ebhiinu bhyebhwe mbagabhana bhuriingʼaanya. ꞉Bhaariga mbagusha ebhiinu bhyebhwe, na giiyera ginu ꞉bhaanyooraga, mbagigabha ku-bhaanu bhoone kutyo okuriingʼaana na obhukene bhwa omuunu.

Na woonewoone unu aritogora riisiina rya Raatabhugenyi amusakire, aryerusibhwa.” ’”

Riisuubha ririyinduka ndibha kisuute, na okwesi kuribha kukangaaru rwa amaanyinga. Gayo goone kutyo garikoreka bhukyari okubha-wo obhugungyo bhwa orusuku orukuru orwa Raatabhugenyi.