Popular Bible Verses from Late 37

Share

TOPA sungah lungkim in; amah in na deihna hong pia ding hi.

TOPA tungah na vai teng ap in. Amah muang in; amah in hong sem ding hi.

TOPA’ mai-ah khawl dide inla, lungduai takin ngak in. A hihna a daupai pa tung le siatna a bawlpa tungah kilungso tawmsak ke’n!

TOPA muang inla, gamtat hoih in. Gam nuamah teng inla, thumanin om in.

TOPA in mi a lam pai nading lak a, ama lungkim bangin a gamta pa amah in a kipsak hi. Amah a puk hangin lutuk lo ding hi. Bang hang hiam cih leh TOPA in ama khut len hi.

Amah in nangma dikna khuavak bangin, nangma thumanna nitaang bangin hong langsak ding hi.

Hehna panin kikham inla, sinsona nusia in. Nangmah kilungso tawmsak ke’n; tua in siatna bekah a hong paipih hi.

Thuman mi a kinusiacip, a suanlekhakte ngen tawmin a kivak, ka neu lai a kipanin tu-a ka teek hun ciang dong ka mu ngei nai kei hi.

Migilote’ hangin kilungsosak kei inla, a man loin a gamta mite en’ dingin ngaihsun kei in.