Popular Bible Verses from MARKA 8

Share

Hih a leitung nuntakna a hu nuamte in a nuntakna bulpi nangawn tawh suplawh ding a, keima hang le lungdamna thu hangin a nuntakna a suplawhte in a nuntakna bulpi huzo ding hi.

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam?

Tua ciangin Jesuh in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Ama nuntakna bang tawh leikik thei nawn ding ahi hiam? Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Pa’ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

“Tua ahihleh note in kei kua hi, nong ci uh hiam?” ci-in amaute a dot ciangin Peter in, “Nang pen Khrih na hi hi,” ci-in a dawng hi.