Popular Bible Verses from MATTHAI 7

Share

“Ngen un; na nget uhleh hong kipia ding hi. Zong un; na zon uh leh na mu ding uh hi. Kongkhak na kiu un; na kiuh uhleh hong kihon ding hi.

Bang hang hiam na cih uhleh a ngente khempeuh in ngah ding uh a, a zongte khempeuh in mu ding uh a, a kiute khempeuh a’ ding kong kihon ding hi.

“Ka thuhilhna za-in a zui mi khempeuhte pen suang tungah a inn a lam mipil pa tawh kibang ding hi.

Tua ahih manin note tungah hong kibawl ding na deih bangun midangte tungah na bawl un. Moses Thukhamte le kamsangte’ thuhilhnate pen hih mah a deihna ahi hi.

Ahi zongin nuntak tawntungna tun nading kong kawcikin a lampi haksa a, mi tawmno bek in a zuizo uh hi.

“Kong kawcik bek tawnin lut un. Hell khuk tun nading kongvang pen lianin a lampi baih a, mi tampi in a zui uh hi.

Note mihoih lo hinapi-in na tate uh tungah na hoih piak ding ngaihsun thei na hih uhleh vantungah a om na Pa un a ngen mite tungah na hoihte hong piazaw mahmah ding hi lo ahi hiam?

“Pasian in note hong mawhsak loh nadingin midangte va mawhsaksak nawn kei un. Bang hang hiam cih leh midangte’ thu na khenzia uh tawh kizui-in note tungah hong khen ding a, midangte tungah na zat uh ngeina mah note tungah hong zang ding hi.

Hih ka thugente za napi-in a zui nuam lote pen sehnel tungah a inn a lam mihai pa tawh kibang ding hi.

Bang hangin na lawmte’ mit sunga ninthem tang muhsak thei napi-in nangma mit sunga singluang tang phawk thei lo na hi hiam? Nangma mit sungah singluang a tang kimlai, bangci-in na lawmte kiangah, ‘Na mit sunga ninthem tang hong lakkhiatsak ning,’ ci thei ding na hi hiam?

“Kamsang taktak a hilote na muh uh ciangin limtakin kikem un. Amaute in a tungthamah tuu lim hong pua-in, ahi zongin a sungtawng taktak uh ngia hangsan bang ahi uh hi. Amaute’ gamtatna tawh amau’ pianzia na thei ding uh hi. Lingvom kung panin leenggah kilo ngei a, sialtalling kung panin theigah kilo ngei ahi hiam?

Tua ahih manin singkung cidamte in gah limci gah a, singkung ginalote in gah ginalo gah uh hi.

Singkung cidamte in gah ginalo gah ngei lo a, singkung ginalote in gah limci gah ngei lo hi.

Gah limci a gah lo singkungte kiphukin meikhuk sungah kikhul hi.