Popular Bible Verses from MATTHAI 27

Share

Nitak nai thum hun pawl laitakin Jesuh nakpitakin kiko a, “Ka Pasian, ka Pasian, bang hangin kei hong nusia na hi hiam?” a cihna ahi, “Eloi, Eloi, lama sabakthani ,” a ci hi.

Tua laitakin biakinn sung deina puan, a lu panin a taw dongin kikekin phelnih a suak hi. Zin zong lingin suangtumpite kitam hi. Hankhukte zong kihong a, Pasian’ mi a sisa tampite zong kithokiksak hi.

Tua ciangin Jesuh nakpitakin kiko kikin a si ta hi.

Jesuh enin a om galkap bupa le galkapte in zinlinna le a thupiangte a muh uh ciangin lamdangsa mahmah uh a, “Hih pa, Pasian’ Tapa taktak mah ahi hi,” a ci uh hi.

Sun nai sawm le nih hun a kipanin nitak nai thum dong, nai thum sung, tua gam sung khempeuhah khim a zing hi.

Tua ciangin Pilat in, “Tua ahihleh Khrih a kici Jesuh pen bangcih ding ka hi hiam?” a cih ciangin amaute khempeuh in, “Singlamteh tungah thatsak in,” a ci uh hi. Tua ciangin amah in, “Amah in bang gamtat khialhna nei ahi hiam?” ci-in a dot ciangin, “Singlamteh tungah thatsak in,” ci-in a awng ngeingai uh hi.