Popular Bible Verses from MATTHAI 22

Share

Jesuh in, “Na Topa Pasian na lungsim khempeuh, na nuntakna khempeuh, le na pilna khempeuh tawh na it ding hi, cihna ahi hi. Hih pen a masapen, a lianpen thukham ahi hi. A nihna pen a masa mah tawh kibang a, nangma pumpi na it bangin na vengte na it in, cihna ahi hi.

Hih thukham nihte tung panin thukham dang khempeuh le kamsangte’ thuhilhna khempeuh a hong meengkhia ahi hi,” ci-in a dawng hi.

“Bang hang hiam cih leh mi tampi a kisap hangin tawm bek a kiteel hi,” a ci hi.

Bang hang hiam cih leh misite a thawhkik uh ciangin vantungah a om vantung mite tawh kibang ding uh a, zinei pasalnei cih om lo ding hi.

Siahin na piak ding uh sum hong lak dih un,” a cih ciangin sumtang peek khat hong paipih uh hi. Tua ciangin Jesuh in amaute kiangah, “Hih sum tungah kua lim le kua min om ahi hiam?” ci-in a dot ciangin amaute in, “Sisar’ lim le a min kigelh hi,” a ci uh hi. Tua ciangin Jesuh in amaute kiangah, “Sisar’ nate Sisar’ tungah na pia unla, Pasian’ nate Pasian’ tungah na pia un,” a ci hi.