Popular Bible Verses from LUKA 21

Share

Hih thupiang khempeuh thuakzawh nading thahatna na neih nading uh, le Mihing Tapa mai-ah na dintheih nadingun a tawntungin thu ngenin vil niloh un,” a ci hi.

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Hih bangin thuakzo le-uhcin nuntakna taktak ngah ding na hih manun kiptakin om un.

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

Van le lei a mangthang zongin ka thugente maimang ngei lo ding hi.

“Ni, kha, le aksite tungah lim hong om ding hi. Tuipi ging le tuihual liante kihtakna hangin leitung mi khempeuh lau-in lunggim ding uh hi. Leitungah tu-in bang hong piang ding, ci-in a ngaihsut kawmun mite lau-in sibup ding uh hi. Vantunga om nate a pai ngei bangin pai nawn loin lampial mangkhin ding uh hi. Tua ciangin Mihing Tapa hong kilang ding a, minthanna le vangliatna tawh meii lakah hong pai ding hi.

Mi khempeuh in keima hangin note hong mudah ding uh hi.

Mun khempeuhah nakpitakin zin hong lingin, kialpi le pulnatna zong hong tung ding hi. A kihtakhuai a tuamtuamte le lim lianpipi vanah hong kilang ding hi.

Gal thu ahi a, gam kilumlet nading thu ahi zongin na zak uh ciangin lau kei un. Hih bang thute a hong piang masa ding mah hi a, ahi zongin bei nading hong naita hi, a cihnopna hi nai lo hi,” a ci hi. Tua ciangin Jesuh in a thugen zomlai a, “Gam khat le gam khat hong kido-in, kumpi khat le kumpi khat hong kido ding hi.

“Ni, kha, le aksite tungah lim hong om ding hi. Tuipi ging le tuihual liante kihtakna hangin leitung mi khempeuh lau-in lunggim ding uh hi. Leitungah tu-in bang hong piang ding, ci-in a ngaihsut kawmun mite lau-in sibup ding uh hi. Vantunga om nate a pai ngei bangin pai nawn loin lampial mangkhin ding uh hi.

Tua ciangin Jesuh in a thugen zomlai a, “Gam khat le gam khat hong kido-in, kumpi khat le kumpi khat hong kido ding hi.

Jesuh in, “Kidawm unla, mi’ khemsa-in ta kei un. Bang hang hiam cih leh keimah a kineih mi tampi hong pai ding uh a, ‘Keimah, Khrih ka hi hi; a hun hong tungta hi,’ hong ci ding uh hi. Tua bang mite’ nung zuikha kei un.