Popular Bible Verses from PIANCILNA 39

Share

TOPA in Josef ompih a, amah nasep a zo mi khat suak hi. Amah, Egypt mi a topa’ inn sungah om a

Tua ahih ciangin amah in a neih khempeuh Josef’ khut sungah ap hi. Josef nei khin ahih manin amau nupa sungthu lobuang thudangte lunghihmawh dingin ngaihsun lo hi. Tu-in Josef ngaihbaangin a mel hoih hi.

Thong kem pa in thong sunga thongkia mi khempeuh Josef’ et dingin ap a, tua lai-a a kisem khempeuh ama hih ahi hi.

Josef’ topa in amah manin kumpipa’ thongkiate a kikhumna thong sungah amah koih a, tua thong sungah amah om hi. Ahih hangin TOPA in Josef ompihin ama tungah itna kip lak a, thong kem pa’ muhna-ah amah maipha a pia hi.

Tawlkhat khit ciangin a topa’ zi in Josef zawl mit a, “Kei tawh hong lumkhawm in,” a ci hi. Ahih hangin amah in nialin a topa’ zi kiangah, “En in, kei hong nei ahih manin ka topa in inn sungah bangmah lunghihmawhna nei lo a, ama neih khempeuh ka khut sungah hong koih khin hi. Hih inn sungah kei sangin amah lianzaw lo hi. Nang, ama zi na hih manin, nang lobuang kei kiang panin amah in a kep tuam bangmah om lo hi. Tua ahih ciangin bangci-in hih gitlohna lianpi bawlin Pasian’ tungah khial ding ka hi hiam?” a ci hi.

Ahih hangin ni khat, amah a nasep sem dingin inn sungah pai a, inn sungah innsung mite khat zong a om loh laitakin, tua nu in a puan-in amah man a, “Kei tawh hong lumkhawm hoh in,” a ci hi. Ahih hangin amah in tua nu’ khut sungah a puan nusia-in tai-in tua inn panin a paikhia hi.