Popular Bible Verses from SAWLTAK 1

Share

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Jesuh in, “Ka Pa in ama thu tawh a sehsa hun le nite, cik ciangin hong tung ding cih thu note’ theih ding thu hi lo hi.

Amaute tawh a omkhawm laitakin amah in amaute kiangah, “Jerusalem khua panin paikhia kei unla, note kiangah ka hong gensa ka Pa’ hong kamciam thu na ngak un. Johan in tui sungah mite phum a, ahi zongin a sawt loin Pasian in Kha Siangtho tawh note hong kidimsak ding hi,” ci-in thu a pia hi.

Ama sih khitzawh ni sawmli sung amaute tungah tam veipi kilang a, amah a nungta taktak ahihna teltakin a kithei ahi hi. Amaute in amah mu uh a, Pasian’ Ukna thu amaute tungah a gen hi.

Hih thu a genkhit ciangin amaute’ muhtangpi mahin vanah Jesuh kilato a, meiipi in liah ahih manin amah mu thei nawn lo uh hi.

Tua bangin Jesuh a kilaktoh ciangin amaute in vantung lam enenin a om laitakun amaute kiangah puanpak a silh mi nih hong dingvat a, “Galilee mite aw, bang hangin vantung lam enin ding niloh na hi uh hiam? Note kiang panin vantungah a kilato hih Jesuh pen, vantungah a paitoh na muh uh bang teekteek mahin khatvei hong paisuk kik ding hi,” a ci uh hi.