Popular Bible Verses from 1 PETER MASA 4

Share

Itna in mawhna tampi khuhcip thei ahih manin lungsim takpi tawh khatlekhat ki-it ding thupi ngaihsut pha pen un.

Pasian’ piak na a zatsiamte bangin Pasian’ kiang panin na ngah uh nate, midangte’ phattuam nadingin na zang un.

Minthanna le vangliatna a nei tawntung Pasian in Jesuh Khrih hangin thu khempeuhah phatna a ngah theih nadingin thuhilhte in Pasian’ thu na hilh unla, na a semte in Pasian’ piak thahatna tawh na sem un. Amen.

Ahi zongin Khristian hihna hangin gimna na thuak uhleh kuamah in maizum ngaihsut kei unla, Khrih min hangin na thuak manun Pasian tungah na lungdam un.

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

Ka itte aw, note’ upna hong kize-etna-in gimna haksate na thuak manun a thu lamdangpi-in ngaihsun kei unla, na lungkham ngaihsut kei un. Tua bangin Khrih tawh thuakkhawm le-uhcin ama minthanna hong kilat ciangin note lungdam mahmah ding na hih manun, tua banga na thuakna uhah na lungdamzaw un.

Khatlekhat maitai takin zinleleeng na kido un.

Tua ahih ciangin Pasian’ deihna bangin gimna a thuak mite gamtat hoihin, a kamciam a tangtungsak tawntung hong Piangsak pa muangin ama khut sungah a ki-ap ding uh ahi hi.

Khrih in ama pumpi-in thuak ahih manin note in zong tua bang lungsim mah nei-in na kithakhauhsak ding uh ahi hi. Bang hang hiam cih leh pumpi-in a thuak mite peuhmah, mawhna tawh kisawhkha nawn lo uh hi. Tua ahih manin tu a kipanin na leitung nuntak sung uh mihingte’ deihna bangin gamta loin Pasian’ deihna bangin na gamtat ding uh ahi hi.

Khrih nungzui hihna hangin mite’ kosiatna na thuak uhleh note sungah a minthang Kha Siangtho ahi Pasian’ Kha Siangtho hong om ahihna lim ahih manin a hampha mahmah na hi uh hi.