Popular Bible Verses from लुका 17

Share

हिट्‌नुङ् येसुङा हिट्‌ना लोडुए, “कोबाउङ् खाडा॥ काबिस्‍वासङा खान् आनुए॥”

“हिट्‌नुङ् हिट्‌नाङा याप्‍मा खेप् कानिङ्‌ग्‍वा टानिना एकेलेङ् टोॽवा चोगुए हिट्‌नुङ् सोरोक् खेप् खान्‌ङि आप्‌युङ् ‘छेमा याङ्‌पिडा’ मालोडे भोने हिट्‌ना छेमा पिडु॥”

हिट्‌नागा माड्‌डे ठिबाङ् टुगानाँ उन् नुयाना ठाहा टोगुङ् ठेना ओसोरा चोगुङ् माङ्‌हाङ्‌ङाना उनिङ् चोन्‍सा नोक्‍टा आबे॥ हिट्‌नुङ् हिट्‌ना येसुङाना ओटोकानाइ हाम्‍बोम्‍फोप् चोगाउङ् स्‍या मेट्‌टुए हिट्‌नुङ् येसु पोए-पोए लोडुए॥ हिट्‌नाम्‍बाक् सामारि छोङ्‌बा याप्‌मि डाना॥

हिट्‌डेउङ् पाक् आचोक्‌येट्‌ना ओछेक्‍छेक् चोगा॥ “काझान्‍झाङा कानिङ्‌ग्‍वा टानिना टोॽवा चोगुए भोने हिट्‌ना ‘नाड्‌डेना टोॽवा चोक्‌निम्‍गा’ पिक्‍सा लोडु, हिट्‌नुङ् ओपापलाम्‍मा काएल्-काबु चोगुङ् नोक्‌युक् भोने छेमा पिडु॥

येसुङा उन्‌लोक् ओवासागा याप्‌मिचि सिलाप्‍टुचे, “पाक् ठिक्‍मेक् याप्‌मिचि डोक् ना रोगालाम्‍मा नुमानिङ् उलिसागा माहि टे? आरु याङ् जानाम्‍बाक् खोनाइ ओखाडेगा टे?

येसु डाङ्‌बाङा हिट्‌नागा लोडुचे, “खानिङि पाट्‌छेयो सागा ओगेडा टेउना एडोक् बिस्‍वास युङ्‌ग्‍वा भोने, खानिङा ना किम्‍बु उघुङ्‌मा ‘ओजारालोक् आङ्‌सा खाडाउङ् सामुन्‍दराङि लेट्‌सिङा खाडा’ लोमा आहिडुम्‍टुम्, हिट्‌नुङ् खानिङा आमाट्‌टुम् गाड्‌डे डोक् हिट्‌ना लियुक्॥

जुन् याप्‌मिङा ओचोला जोगाँ चोक्‍मा कोलुटु, हिट्‌नाङा लाट्‌निना चोला मासुटु, टरो जुन् याप्‌मि ओचोला जोगाँ चोक्‍मा कोलुन्‍ना, हिट्‌नाङा लाट्‌निना चोला टुबुटु॥

येसुङा ओचेलाचि लोडुचे, “छेम्‍बा डोक्, याप्‌मि लाउङ्‌सा पापङिना वारिक्‌ङि ठेम्‍माना रिङ्‌चिउम् ओटायुक्, टरो इनामा, जुन् याप्‌मिङा नागा रिङ् टाडुटु! ना ठिक्‍ए खाट्‌टियुना पिच्‍छालोङ्‌सा पाप चोक्‍मेप्‍मा नुङ्‌ना हिट्‌ना पापि याप्‌मिङाना ओठोॽवारिक्‌ङि झाँटा रेक्‍टुम्‌बिडुमुङ् सामुन्‍दराङि लेप्‍टुम्‍नाँ डोक् हिट्‌ना लोङ्‌सा ओचेट्‌नुना लियुक्॥

“हिट्‌नुङ् याप्‌मि छा उङ्‌ना बेला नोआ ओलोडुना याप्‌मि ओपालाङि लिसाना रिङ् गाड्‌डे डोक् लियुक्॥ हिट्‌ना बेला नोआ चुवाखोङ्‌डाङ्‌ङि लिक्‌निगेट्‌निलोक् सोम्‍मा याप्‌मिचि चामा-ठुङ्‌मा हिट्‌नुङ् भ्‍याबारि ओचोगेट्‌टागा॥ हिट्‌नुङ् नोआ नाउङि लिगे हिट्‌नुङ् नाराङि आड्‌डिक् ठेना वेहेट् टाए हिट्‌नुङ् फ्याङ् याप्‌मिचि उलुमा उसिए॥