Popular Bible Verses from Matɨyo 7

Share

«Ɨngɨrgɨŋ hɨnga ga kɨŋ or n̰agedɨge cɨndɨgɨŋ tumɔ tumɔ na, kan kɨya bɨgɨŋ, malagɨŋ hɨnga ga kɨŋ or n̰agedɨge cɨndɨgɨŋ tumɔ tumɔ na, kɨŋ kɨya wɔɔ, dɨgagɨŋ kɨbɨ-ƴaa cɨndɨgɨŋ tumɔ tumɔ na, kan kɨya hangege bɨgɨŋ.

Əw, waŋ waŋ gɨ na ɨngɨr hɨnga ga ban or n̰agedɨge na, Kumu kɨya bii, ban gɨ mal hɨnga ga ban or n̰agedɨge na, kɨya wɔɔ, ungo gɨ na dɨga kɨbɨ-ƴaa na, Kumu kɨya haŋge bii.

«Na toy di hɨn̰ wo̰ ma, waŋ waŋ gɨ na ja kɔl hɨnge gɨ ɨŋ ba ye kɛ le bɨ, na aya laan̰ gɨye bɨ na, kɨya bɨle wɔyɛ na hɨn̰ ungo gɨ ba-cɨn̰-muɗɔlɛ gɨ gaɗɨ ƴaa toyi a cay garma gɨŋ.

«Hɨnga nɔm ga kɨŋ gey gɨ kalaŋ na laa danagɨŋ le, kɨŋ kalɨn̰ ma, laagɨŋ danage hɨn̰ wo̰ bɨ. Na ban ma na hɨnga ga gasɨn̰-kɔl gɨ da Moyis bɨ, ga da ka-yɔɔ-kɔl-gɨ-Kumu-ba-yɔɔ bɨ, gɨlnagɨŋge gɨ na na laagɨŋ.

Ama kɨbɨ-ƴaa gɨ sɛlgɛgɛ bɨ, gɨyəŋ gɨ jəngi bɨ le, kɨya orɨn̰ dan̰ kalaŋ na pɔɗɛ gɨŋ, ama ka-wɔɔdi na lagɨɗe wo̰.

«Andaŋgɨŋ dan̰ kɨbɨ-ƴaa gɨ sɛlgɛgɛ gɨŋ. Kɨbɨ-ƴaa gɨ gumu na gɨyəŋ gɨ wol bəndəŋ bɨ, na gɨyəŋ gɨ orɨn̰ dan̰ kalaŋ na kɨɗɨn̰ mundoŋ gaŋ bɨ. Ama ka-ayedi kondɨge.

Kɨŋ ga kuduroygɨŋ ɨsɨn kalɨn̰ ma, kɨŋ sol bɨn̰ karɨndɨgɨŋ hɨnga ga ɗari. Ma na mɨna ma Baygɨŋ gɨ som a daa nii, kɨya bɨn̰ kan ga ɨngɨriige hɨnga ga ɗari ɗɨn̰ ga nee le coŋ naŋ ga?

«Bɔyɛgɨŋ kɔl cay kamdɨgɨŋ naŋ, ɗe Kumu kalɨn̰ ma bon̰ kɔl caygɨŋ naŋ bɨ. Leen̰ cɨndi, Kumu kɨya bɔyɛ kɔl a caygɨŋ hɨn̰ gɨ kɨŋ ba bon̰ kɔl a cay kamdɨgɨŋ wo̰ bɨ. Kan kɨya gɨse hɨnga bɨgɨŋ, na boy hɨnga ga kɨŋ gɨsɨn̰ hɨnga nee bɨn̰ kamdɨgɨŋ le bɨ.

Ama waŋ waŋ gɨ na ja kɔl hɨnge gɨ ɨŋ ba ye kɛ le bɨ na aya laan̰ gɨye naŋ na, kɨya bɨle wɔyɛ na hɨn̰ ungo gɨ ba-dɨngale gɨ gaɗɨ ƴaa toyi a cay kɨlay gɨŋ.

Kɨya wa ma mɨn̰ si tɨdɨn̰ solɨn̰ bugɗi hɛɗɨmɛ ga woy a cɨn̰ kurɨndɨn̰, ama ji sɨla te tabi di gumu di woy a tɨdɨn̰ naŋ ga? Kɛ na mɨna ma mɨn̰ gɨ yon̰ kurdɨn̰ hɨn̰: “Ɗaŋ aŋ dor bugɗi hɛɗɨmɛ ga woy a tɨdɨn̰”, ama ji-bandi kalɨn̰ ma, ji orɨn̰ dan̰ te tabi di gumu di woy a tɨdɨn̰ ga?

«Ɗagɨŋ muɗɔlɛ a cay gusɨgɨŋ gɨŋ kɨya cay kalaŋ ga ka-lɔɔ gusɨge loon̰ ka-yɔɔ-kɔl-gɨ-Kumu-ba-yɔɔ. Kan kɨya ɨrga gusɨgɨŋ dan̰ hurɔmɔ hɨn̰ karɨn̰ gamge wo̰, ama a kuduroyge na kan woyge na hɨn̰ gaye ga coŋ ga geyge dogɨŋ wo̰. Kɨŋ sol te hɨya na dan̰ wɔɔdi bɨ, kɨŋ sol ka-lɔɔ gɨye na dan̰ gɨye-lɔɔdɨge bɨ. Kɛ cay pɨna ungo ar suru a cay sɨləlɨm dɨŋ wala, ar tuguyɔŋ a cay gɨm gɨŋ hayi ga?

Na hɨn̰ wo̰ ma, hɨya gɨ ɗari le kɨya wɔɔ wɔɔdi gɨ ɗari, ama hɨya gɨ ɨsɨn le kɨya wɔɔ wɔɔdi gɨ ɨsɨni bɨ.

Hɨya gɨ ɗari le, kɨya ɓale wɔɔ wɔɔdi gɨ ɨsɨni naŋ bɨ, hɨya gɨ ɨsɨni le kɨya ɓale wɔɔ wɔɔdi gɨ ɗari naŋ bɨ.

Hɨya nɔm gɨ wɔɔ wɔɔdi gɨ ɗari naŋ le, kan kɨya sɨrege dɨbege tɨwan̰ coŋ.