Popular Bible Verses from Ja̰ 21

Share

Kɨɗɨn̰ ga kan diige hɨnga ɨni na, Jesu yen̰ Simo Pɨyɛr yeyi hɨn̰: «Simo kurɨn̰ Ja̰, ji geyəŋ ɗɨn̰ kan ga kɛ ga?» Ɨni na, Pɨyɛr dɨbi cay nee yeyi hɨn̰: «Əw Ba-gulɔŋ! Ji sol gɨ ɨŋ geyɨn̰.» Ɨni na, Jesu yeyi hɨn̰: «Gama karɨn̰ gamge kange.» Jesu yeyi gɨ ni tɨba sɔɔdi yeyi hɨn̰: «Simo kurɨn̰ Ja̰, kɛ ji geyəŋ ga?» Ban jɨga dɨbi cay nee yeyi hɨn̰: «Əw Ba-gulɔŋ, ji sol gɨ ɨŋ geyɨn̰.» Ɨni na, Jesu yeyi hɨn̰: «Bɨl ba sɔlɛ kardi gamge kange.» Jesu yey gɨ ni tɨba sɨbɨdi yeyi hɨn̰: «Simo kurɨn̰ Ja̰, kɛ ji geyəŋ ga?» Pɨyɛr gusi moyi naŋ, kɨya ɨngɨre gɨ Jesu ɨngɨri gɨ ni tɨba sɨbɨdi gɨŋ yeyi hɨn̰: «Kɛ ji geyəŋ ga le?» Bɨ ban jɨga dɨbi cay nee yeyi hɨn̰: «Ba-gulɔŋ, ji sol hɨnga nɔm, ji sol kuɗa gɨ ɨŋ geyɨn̰.» Ɨni na, Jesu yeyi hɨn̰: «Hɨn̰ wo̰ na, ji gama gamge kange.

Jagɨŋ! Aŋ yəgɨŋ daa waŋ na cɨndi, kɨɗɨn̰ ga ji ba marɨna ƴee na, ji saɗɨ wɨrdɨn̰ kon̰ dan̰ sɔndurɔŋ bɨ, ji orɨn̰ kɨɗɨn̰ ga kuduron̰ gey gaŋ bɨ. Ama kɨɗɨn̰ ga ji na laa gɨ esi na, ungo gɨ ɗaŋ ba kɨya saɗɨn̰ te wɨrdɨn̰ bɨ, orɨn̰ danan̰ kɨɗɨn̰ ga kuduron̰ gey naŋ gaŋ bɨ.»

Ban yege hɨn̰: «Dɨbɨgɨŋ bura togɨŋ jɨn̰ cay kɔbɔ gɨ bara gɨ da koburo gɨ gumu gɨŋ na, kɨŋ kɨya wɔɔ gusa.» Bɨ kan dɨbɨge bura a kɨɗɨn̰ ga nee gaŋ le, kɨɗɨn̰ ga kan dɨbɨge bura le na, gusa wanɨn̰ daa, lee gɨ kan ɓala sɨrege daa naŋ.

Ɨni na, Simo Pɨyɛr yege hɨn̰: «Ɨŋ ɔrɛ ure gusa.» Ɨni na kan kalɨn̰ ma yeyige hɨn̰: «Ni ɔrɛ danan̰ bɨ.» Lee gɨ kan andaŋge orge nɔɔ boy koburo gɨ gumu gɨŋ, ama duroy son̰dodo di nee le, kan ƴɨmage gusa pɨna nɛŋ naŋ bɨrɨŋ.