Popular Bible Verses from Gɨye-lɔɔ 2

Share

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Kan dorge sɨmayge kuɗa jen̰ge kɔl gɨ ka-gɨre-gɨye gɨlgege bɨ, dayge gusɨge kɨɗɨn̰ dayaŋ ga da ka-karme gaŋ bɨ, dɨn̰ge hɨnga pɨna bɨ, gosnɨn̰ge gusɨge dɔɔ gɨ da Ba-gulɔŋ bɨ, olɨn̰ge Kumu pɨna daa daa bɨ.

Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

Kɨɗɨn̰di ga nee gaŋ le bɨ, noy hɨnga sayga gɨɗɨgɨ-Kumu gɨŋ, hɨn̰ noy kal gɨ yaga dan̰ togi tɔgɨ wo̰. Noy hɨnga le, ƴee duroy ƴaa gɨ kan ba somɨn̰ge nee le nɔm. Ɨni na, kan solge hɨnga andɨdaŋ gɨlɨn̰ hɨn̰ kɨlen̰ tɨwa wo̰ busdoŋ bɨ, sugudɔŋ cayge pɨna pɨna nɔm bɨ. Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ. Kan hɨramge Kumu bɨ, kan ƴeege cɨn̰ kalaŋ nɔm nee bɨ. Ɨni na, kan ga ban poɗɨge le, Ba-gulɔŋ ɨrgan̰ danage beege cay kamdɨge ga ka-daye gusɨge le, dan̰ wɔlɛ pɨna pɨna.

“Sɨlagɨŋ hɨnga ga ba kɨya caga wɔlɛ kagadi gɨŋ le ba kɛ, Kumu ye hɨn̰: Ɨŋ kɨya lɔɔ gɨ ɗe Turnonɨ busoŋ cay kalaŋ nɔm bɨ, Karɨndɨgɨŋ ga ban̰aŋ dan̰ karɨndɨgɨŋ ga kandɨ Kɨya bɨləŋge ka-yɔɔ-kɔl-gɨ-Kumu-ba-yɔɔ bɨ, Ɨŋ kɨya yon̰ marɨne kagɨŋ kɔl, Boy hɨnga ga buyoŋ cɨn̰ ungo hɨn̰ dḛḛ wo̰ bɨ, Ɨŋ kɨya yon̰ kandɨgɨŋ ga əsɨdəŋ kɔl boy sɔndɛ gɨŋ bɨ.

Ka-aye kudurɔ nɔm dayge gusɨge bɨ, hɨnga nɔm ga kan wayige le, gosnɨn̰ge gusɨge duroyge bɨ. Kan kɨl kɨɗɨn̰ kage coŋ bɨ, hɨnga wɔɔdɨge coŋ bɨ, ɗege gursudɨge gosnɨn̰ge gusɨge duroyge ojɨn̰ cay hɨnga ga waŋ waŋ kalɨn̰ ma ba or n̰agedɨge.

Boy wɔlɛdi gɨ nee le, Waŋ waŋ gɨ na tɨga guson̰ Ba-gulɔŋ na, Kɨya pɔɗɛ.”

Tɨwa kɨya ɨndɨwa bɨ, kɨdɨrɛ kɨya yɨlwa hɨn̰ kɨbar wo̰ bɨ, Tumɔ pa dɨm ma wɔlɛ gɨ da Ba-gulɔŋ kɨya caga ƴee. Wɔlɛ gɨ nee le na wɔlɛ gɨ gumu bɨ, Na wɔlɛ gɨ ni gusoŋ-tɔgɛ bɨ.