Popular Bible Verses from MARK 13

Share

I je ghenguno timi kümtsü no nongu mithi nani. Ikemu khuu no ashekha kutolo kutuulu keno xaluve nani.

Piqepuloi khelulo, tsükhüi lo. Kughengu nongu ye atüqhüdo kughou no ighini keno mthae.

Kughou nongu küghape akughu shive niye atsakükügha lo sawuni keno, nongu ye kiu pinia pi azüuno amlo kütakihi kevilo, ikemu tipau süchedo lono kiu kiumu o tsükeu pesü pilo, kughengu nongu no kumoe, ikemu Aghungu Kimthe no atsa pi nani.

Atsütsü eno ayeghi ye hauve nani, ikemu I tsa ye hauvemo nani.

“Ikemu tipa tsala momu atüqhüdo vehu ye Apu likhi no kumo aye Anu shi aghina, kungugha lo kungumi namu khunomu mthae.

Kughou nongu no aghüshi sütsa eno uyeu ghüshi sütsa chiluni keno, khilemu amlo hau kevilo. Hi ye ighini pütsae, ikemu ashekuho ye kumphie.

Tighenguno tsükhüi shilo, kughengu aki mpeu ye avelau no keo, zübumtau no keo, tsükutho lau awudu igha kelono keo, inaqhe no keo, kughou no ighi nani keno nongu ye mthae, tikumo aye, pa no züleno ighi püzü nongu no züakeu ithuluve nosae. I no nongu vilo kiu pi ani keno, ni ye timi kümtsü vilo pi anike: Tsükhüi shilo.”

Shiye lakhi no lakhi sasü aghüshi nani, titoi kükaqha kini dolono aghüshi nani. Ayeghi küghütha a-a kutomo lono ipeghi nani; püqümiye ighi nani. Hipaqo ye apunu küsü hukuthu likhi aphie.

Atüghüshi atsakiviu pesü shiye kümtsü lau sheshu masae.

Kutomo no I je lono pisü ighi nani, ‘Ni ye Pa ke!’ eno kutomo saküghüzüve nani.

“Ikemu nongu ye jukuto khelo. Kughengu nongu küghape hoho u lo süvetsü nani, sinagog lono nongu heqhi nani, eno I je ghenguno nongu no angh ngo kükamiqo zülo thopimi shi puthugho nani.

Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

“Ikemu tipa ghuloki lo kijiküpsa thiu, khetsünhe no züchiyi hailove nani, eno aqhi no aküvü tsümove nani. Atsütsü lono ayepuqo ikiqive nani, eno kütau akeqo kümtsü süküghütha nani.