Popular Bible Verses from JOHN 10

Share

Küpkami ye püka, heqhi eno kütsani ke ghengu likhino ighi cheni. I no ighi keu ye panongu pelo aküxü apeniye eno ti kupukuno shi apeniye ke.

Ni ye akheu kiviue. Akheu kiviu ye ambeqo ghenguno pa küxü pephe tsüve cheni.

I mbeqo no I sütsa chilu cheni, I no panoqo ithi eno panongu no I pape cheni.

I no lhokta küxü panongu tsüe, panongu ye khilemu pühave monani, eno khunomu I u lono panoqo süxaluve mlae.

Ni ye ahukikha ke. Khunono I vechesü iloni keno pa ye xaluve nani eno ipe-ilo luno atsüni kümtsha-a phulu nani.

Ni ye akheu kiviue. I no I mbeqo ithi ani, eno I mbeqo no ni ithi ani

I Pu khuu no panoqo pesü I tsü keno, Pa no kümtsü nguno akijeu eno khunomu I Pu u lono panoqo süxaluve mlae. Ni eno Apu ye lakhie.”

Apu no ni ithi eno I no Apu ithi aketoi ke; I no ambeqo ghenguno I küxü pephe tsüve cheni.

Khunomu I launo ti ikhilu mlae, ikemu I no I pulou lono pephe tsüve. Ni ye pephe tsüve kepu kükagha ani, eno itaghi ikhichilelu kepu kükagha ani. Azah hipau ye I pu launo ithulue.”

Ikehu Jisü no itaghi panoqo vilo pi, “Kuchou no I no nongu vilo piani, ni ye ambeqo hukikha ke.

Aqekiqemi ye akheu kumo eno ambe kipighiu kumo kehu, kughou tüngtügha cheghi keu ithuluni keno pa ye ambeqo qhive no pove cheni, eno tüngtügha no ambeqo tsüqü luve no hapiyepighive cheni.

“Kuchou no I no nongu vilo piani, khuu no ahukikha lono ambeki lo ilo mono ala kütauno zümili iloni keno, pa ye küpkami eno süxakulumi.