Popular Bible Verses from LIPOK 37

Share

Yosefi pungmang ka pungmang aser kodang tedi nungertem dang aji ashi, parnoki pa tali sempa.

Tang Israeli pei chirtem ajak dang tali Yosef meim, kechiaser pa tambur kümer ang Yosef aso, aser pai sentsü tapu aika aketba semoksü ka pa nem renemtsü.

Kodang pa tebui parnok ajak dang tali Yosef meim ta pa tedi nungeri angu, parnoki pei tenu sempa aser pa den mejembinüi aküm.

Ano Yosefi pungmang ka pungmang, aser pai tedi nunger dang aji ashi, “Ano ni pungmang ka pungmangogo, aser ajiang anü, ita aser petinu terkati kü madang apudak.”

Anungji Yosef tedi nungertemi pa dak tenük merem, saka tebui item ajak indang temulung nung yua ali.

Pai ashi, “Ni anguba pungmang ya angangjo! Asenok ajak alu nung tsükpong langya liasü aser ni alangba tsükpongji indang indanga noktak, aser ajiang nenok tsükpongi kü tsükpongji meketa noktak aser apudaka külem.”

Arung asenoki pa tepsetdi aser pa temangji kangla ka nung enoktsüdi aser pa shiruru kati tepset ta asenoki shidi, aser pa pungmangtemji kechi akümtsüar asenoki ajia atadi.”

Idangji parnok madang Midian nunger shishilembar telok ka aji ajanga süidang, parnoki Yosef kangla nungi atsüteta senpak metsü yong Ishmael nunger dang ayok, aser parnoki Yosefji Ijip limai anir ao.

Parnok kati ka dang ashi, “Pungmang pungmangsang to yangi arudar.

Tedi nungeri pa oji nung aruya angu, aser pai parnok tonga marudang parnoki tasa tamajung ka asa aser pa tepsettsü bangjemtet.

Pai parnok dang ashi, “Nenoki azü tetokshima. Iba kangla nung pa ajongokjang, saka pa dak teka teyi.” Reubeni iba o ashiba ya parnok ket nungi paji kümzüka tebu dangi yoktsü asoshi liasü.