Popular Bible Verses from RAWMA 3

Share

Chyhsa zydua ta molei khai ha ei ta, Khazohpa rônahna to thei khao veih ei. Cha moleipazy cha, Zisu Krista chatlaina vâta, a ngiachhiena ta a saipa ta thai pachâsapa ama châ.

Cha Khazohpa siana cha, Zisu Krista amâ ngiapâpa vâta ngiapâtuhpa zydua hnohta paluahsapa ta a y. Ananona rai y vei.

Zisu Krista cha molei reihpha cheina châta a thisaih palo awpa ta Khazohpa ta a raopa châ ta, cha ngiahthaina cha ngiapâna vâta hmô theipa a châ. A nôphana vâta, kha hlâta moleinazy cha, Khazohpa ta pahno lei a pachâ ta, a siana cha a paluahsa haw. Zisu Krista cha mosiapa a châ thei nawpa nata ano ngiapâtuhpa châta thaipachâsatuhpa a châ thei nawpa ta, Khazohpa ta tahmâhlâ daihti liana heta Zisu Krista siana cha a vaw palâsapa a châ.

Ryhpa vâta moleina pahnona vaw y ta, chavâta chyhsapa ahy hmahta hmotaopa vâta Khazohpa mohmô ta thaichâ thei aw veih ei.

Biehrai liata, “Ahy hmah a siapa y veih ei, Pakha hmah y veih ei; Ahy hmah a pahno thaipa y veih ei, Ahy hmah Khazohpa a tluapa y veih ei. Ama zydua ta pavia khai ha ei ta, Phahnai leipa ama châ khai haw; Hmo pha a taopa y veih ei, Pakha hmah y veih ei.

Ryhpa hmotaopazy vâta châ leipa ta, chyhsapa cha ngiapâna vâta thai a châpa ta eima rao.

Châ bao va! Chyhsa zydua a haihpa châ hra ei sala, Khazohpa cha adopa a châ, Biehrai liata, “Na bie ta thai châ la, Pachiapa ta na y tita, Pahniena to mah y,” tahpa ta ropa hawhna khata.