Popular Bible Verses from Pulim 17

Share

Abaram déem na yi bena funogo-nogo to mo BAŋA Wɛ tu o veere o tete ded‑o. O maa we, “Amo mo ye Dam-fɔrɔ Tu Wɛ wom. Ta‑n sɛ a ni konto, se n yé ta‑n jege tusim.

Ba daa bá taa bwoi nmo we Abaram, nmo yere laam wó taa ye Abaraham mo, kokuri to, a pɛ se nmo ji dwi tiina dedɛ nabaaro mo.

A wó pa se ni-gwonim delo dé na zo daane to zege chekke. Ko ná ye nmo dwi delo na wó saŋe n kwaga ne to, ni-gwonim dem konto ta wó zege ko pa-ba se ko taa vei wuu mo. Amo wó taa ye nmo Wɛ, de n dwi dem de Wɛ.

“Ko ná ye amo, amo ni-gwonim dem a na ke de nmo to mo tento: Nmo lage n ji teene dedɛ nabaaro mo.

BAŋA Wɛ ma ta ded‑o we, “Ko na wó taa ye tei to, n kaane Sarah mo wó lo bu o pa‑m, ye nmo wó pa o yere we ‘Izaak’. Amo wó pa se ni-gwonim delo a na wó ke ded‑o to zege chekke mo se ko taa vei wuu. De nam ta wó taa wora de pae o dwi delo na wó saŋe o kwaga to de mo.

Kanaan tiina tega kanto mɛ nmo ta na ye veiru tento to, mo amo lage a kwei a pa nmo de n dwi dem se á ta‑á tei se ko taa vei wuu. Amo wó taa ye banto de Wɛ.”

Abaraham daa ma chɔɔle o yuu tega ne. O ma mɔne ye o ta o wone we, “Nɔɔno ná yi bena bi, o ta wó wane o lo bu na? Ko woli da, Sarah na yi bena funogo to, o ta wó wane o lo na?”

BAŋA Wɛ daa ma ta de Abaraham we, “Ko daare nmo kaane Sarai, daa‑n yé ta‑n bwoi‑o we Sarai, o yere laam ye Sarah mo.

Abam jege se á ta‑á ke peina gwonim mo á yera yam ne. Konto mo wó taa ye memaŋe delo na bere we dé ke ni-gwonim daane.

A ni-gwonim dem mo a laam za wó pa se de zege dedaane Izaak, wolo wom Sarah na wó lo o pa‑m bene dento maŋa kanto ne to.”

Nmo dwi ne se ko taa vei wuu, bakeira wolo maama ná wo á wone ye o yi da nana, á jege se á gwoni kotu peini mo, ko ná maŋe ko ye balo na bere ba dae abam dwi dem nɔɔna to de. Ko ná ye kabɛ selo ba na loge á sam dem ne to, dedaane balo á na maŋe á yeigi de sabu ye ba ye veira to, á jege se á gwoni bakeiri maama peina mo. Ba na loge-ba á sam dem ne, naa á yeigi-ba de sabu mo, ko jege se á gwoni ba peina mo. Tento mo amo ni-gwonim dem wó taa wo abam yera yam ne se ko bere we ni-gwonim dem bá taa jege kweelim.