Popular Bible Verses from Rigters Rigters 7

Share

Toe sê die HERE vir Gídeon: Die volk wat by jou is, is te veel vir My om die Midianiete in hulle hand te gee, sodat Israel hulle nie teen My grootmaak en sê: My eie hand het my gered nie.

Toe sê die HERE vir Gídeon: Deur die driehonderd man wat gelek het, sal Ek jou verlos en die Midianiete in jou hand gee; en laat al die ander volke elkeen na sy plek toe gaan.

Gaan dan nou, roep uit voor die ore van die volk en sê: Elkeen wat bang en bevrees is, laat hom terugkom en vroeg van die berg Gílead af vertrek. En daar het uit die manskappe teruggekom twee en twintig duisend; en daar het tienduisend oorgebly.

Toe sê die HERE vir Gídeon: Die volk is nog te veel; bring hulle af na die water, en Ek sal hulle daar vir jou op die proef stel en van elkeen wat Ek vir jou sê: Dit mag nie met jou saamgaan nie, hy mag nie gaan nie.

Toe het hy die volk na die water laat afsak, en die HERE het vir Gídeon gesê: Elkeen wat met sy tong van die water lek soos 'n hond lek, hom moet jy alleen sit; so ook elkeen wat op sy knieë buig om te drink. En die getal van die wat gelek het en hul hand op hul mond gelê het, was drie honderd man; maar al die res van die volk het op hul knieë gebuig om water te drink.