Popular Bible Verses from Matiyos 10

Share

“Nɔng anye mɛa kibhbhanung na kekkung huna mɛdɛrniya kɔ̀tɔgɛsɛna yoya toye. Na mɛa igge te ghurghuri huna konnauny na te zuga hɔla huna yikkayny.

Nɔng inde lami bhɛa senno kibbaysiɛ rɛye, ale ujjuk rɛ. Na nɔng inde ujjuk rɛ ke bhɛa kɔbhbhɛanyi anyeye, ale jɔana basseya iho dhul.

Na igge ngatɛngɛrɛ ngagiya nissɛ zugo ayugɛna hung na basseyiya zugony ngaiggarisiyɛoye. Tɛngɛrɛ na ɔana bhɛa ibhbhanɛa ayugɛna zugony ko basseyi kari na iggariseo goa ngadhittinɛnao dhul.

Na ko nɔng inde kɛya kìlagɛa ngaittonoo na kɔbhbhanyoye, bhee anɛ hira kɔbhbhanyi anye ninggɛ.

Yɔk gee dhugunɛsɛnɛ zugo bhɛa anɛa zuga yɛbhbhanyɛa anyeye, ko anye ale kudhugunɛsɛn Baba nanu iho tumɔ bhɛa yɔk anɛa zuga ganyu. Na yɔk gee imagganyɛ bhɛa zugonyde, ko anye ale kimagi bhɛa Baba nanu iho tumɔ.

Na gee ilagassɛye ibbaysitɔ, gee bere rɛssɛye dhɔnggayɔ. Na gee am :gedhdheye, ibbaysi na kɛtɛldi hurr. Na mɛnɛngge tɔgɛsɛnɛ zugoye, chugu na obhonisiyoyɔ. Ngabuynda kàjjung hɔlɔngge, ko igge ayɛ zugo hɔlɔng.

Na mɛa bho ngaɛngɛrso. Igge bhɛa bummaa bo mɛra, anno ga bassa jorrono yɔk.

Na igge ngaɛsɛdhɛ lɔgɔ huna naa bere kuguni na kàynɛ zuga bhakkɛa ba kumulɔng zany. Bere kugunɛi bɛr. Zany ngani kùguyɛysho.