Popular Bible Verses from Reemer 2

Share

Awer tuu, woo tas selwiche tuust woo tuu an te anere konteneere tuust, meechst tuu tënke tas tuu tich auswayche khanst fon Hërkot sayne julkamënt? Ore meechst tuu net siin Hërkot sayn kroos kuutheet, ti tolerans un ketult? Tuu weest kans kuut tas tee kuut is un tas eyer mache wil tas tuu tayn leewe ënere tuust.

Mayne froynt, hot niks se saan weyer tuu pist, tuu hast khee unxultichung wëns tuu ti anere julkeere tuust. Wayl, wan tuu se julkeere tuust, awer machst tas selwiche woo tii mache, pist tuu tich selepst am konteneere.

Wayl eyer pehantelt ale mënxe ekaal.

Wayl ti layt woo Hërkot aan nëmt sin net ploos tii woo ti kesets aan heere, awer tii woo mache was ti kesets xikt.

wayl eyer tuut yeete ëne peloone tëm noo was tee kemach hot.

Awer macht sayn wuut un sayne xtroof fale uf ti woo ploos an sich selepst tënke un tii woo neewe lose was kerecht is fer em xlechtes noo keen.

Awer tayn hërts is hart un tik khopich. Tesweche pist tuu yets tayne xtroof am ferkreesere woos tuu mit mache must am taach woo em Hërkot sayn wuut un ti kerechte julkamënte reweleyert kewe