Popular Bible Verses from Markus 4

Share

Too is Yeesus uf kextii un hot xtram kexproch mit em wint un saat fer tas waser: — Peruicht aych! Halt xtil! Te wint hot xtil kehal, un ales is kalm keplip. Too hot eyer kefroot: — Warom hot teyer soo en pang? Het teyer imer noch khee klaawe?

Un ti tisiple, fol pang, hon ëne em anere kefroot: — Was fer man tas weyer woo soo en kraft het, woo pis iwer te wint un ti wele xike teet.

Yeesus waar am xloofe an te hinerxt teel fom poot, mit em khop uf en khise. Too hon se Yeesus wach kemach un hon kesaat: — Mayster! Meyer khome al um! Tuust tuu tich net too trum khimere?

Yeesus saat aach: — Past uf mit was teyer heyert! Hërkot penutst fer aych se julkeere ti selwiche reechle woo teyer penutst fer ti anere julkeere. Un noch mee xtrënger!

Yeesus saat: — Hërkots Raych is soo wii wën en man en soom khërnche in ti eyert xmayse teet; op eyer wach is, ore am xloofe is, tuut tii soom khayme un wakse, oone tas te man wees wii tas paseyert.

Weyer oore hot sol kuut heere.