Popular Bible Verses from Mateus 19

Share

Yeesus hot se aan kekukt un antwort: — Fer ti mënxe is tas net meechlich; awer, fer Hërkot, is ales meechlich.

Soo sin tas xon net mee tswaay persoone, awer sin wii eene. Also, tas nimant ausnaner macht was Hërkot fereenicht hot.

Yeesus hot keantwort: — Het teyer filaycht net keleest tas xtik fon te Xrifte woo saat: “Am aanfang hot Hërkot se man un fraa kemach”? Un Hërkot saat: “Tesweche lost te man sayne papa un sayn mama fer sich se fereeniche mit sayn fraa, un ti tswaay kewe wii eene.”

Tan saat eyer: — Lost ti khiner tsu mich khome un ferpiit net tas tii tas mache, wayl tëne keheyert te Himels Raych.

Fiile woo yets ti eyerxte sin, wëre ti letste sin, un fiile woo yets ti letste sin wëre ti eyerxte.

Un al tii woo, weche mich, sayn haus, sayn priiter, sayn xwestre, fater, moter, khiner ore lant tsurik lose, kriit hunert mool mee un aach tas eewiche leewe.

Yeesus hot keantwort: — Wëns tuu perfekt wilst sin, kee, ferkhaaf ales was tuu host, kep tas kelt fer ti aarme, un soo kriist tuu raychtum im himel. Tëm noo, khom un kee mich noo.

Yeesus hot keantwort: — Warom pist tuu mich am frooe iwer was kuut is? Kuut eksiksteyert ploos ëne. Wëns tuu ins eewiche leewe rin khome wilst, peoopacht ti kepoote.

Un saan noch tas es xwiiricher is en rayche in te Himels Raych khome als en khameel torich en nootels loch khome.

Tesweche, fersichere ich aych tas: te man woo sayn fraa ap xikt, sonst im fal fon ee pruch, wërt en eeprecher wën eyer sich mit en aner fraa hayrate tuut.

Yeesus saat, tan, fer ti tisiple: — Ich fersichere aych tas tas woer is: is kans xwiirich en rayche in te Himels Raych rin khome.