Popular Bible Verses from Yohan 17

Share

Tas se tayn wëre sin torich ti woerheet; tayn mensaaj is ti woerheet.

Un tas eewiche leewe is tas: tich khëne lërne, woo te eensichste waare Hërkot pist; un aach Yeesus Kristus khëne, woos tuu fer ti welt kexikt host.

— Ich pite net ploos weche tëne selepst, awer aach weche tëne woo an mich klaawe wole torich tëne sayne preeticht. Un ferlange tas se al ëne sin sole. Un soo wii tuu, Fater, eenich pist mit mich, un ich sin eenich mit tich, tas al ti woo klaawe aach eenich playwe mit uns tas ti welt klaawe khan tas tuu mich kexikt host.

Ich ferlange net tas tuu se fon te welt wech hoolst, awer tuu se xitse fom Xlechte.

Ti kloor woos tuu mich kep host hon ich mit tëne keteelt tas tii ëne khëne sin, soo wii tuu un ich ëne sin. Ich sin fereenicht mit tëne, un tuu pist fereenicht mit mich, tas tii komplët eenich sin, tas ti welt se wise kriit tas tuu mich kexikt hast, un tas tuu liipst mayn aanhënger soo wiis tuu aach mich liipst.