Popular Bible Verses from إنجيل يوحَنّا 13

Share

كنعطي لكُم واحد الوَصيّة جديدة: عزّو بعضيّاتكُم. فحال ما كَنْعزّْكُم أنا، خصْكُم حتّى أنتُمَ تعزّو بعضيّاتكُم. هَيداك غادي يعرفو الناس كاملين بلّي أنتُمَ التلامد ديالي، إدا عندكُم محبّة بيناتكُم."

وِادا أنا الرَّبّ والمُعلّم غسلْتْ لكُم الرِّجلين ديالكُم، خصْكُم أنتُمَ تغسلو الرِّجلين د بعضيّاتكُم، حيت عْطيتْكُم المتال باش تعملو حتّى أنتُمَ فحال ما عملْتْ لكُم أنا.

ردّ عليه يَسوع وْقال: "أنتينا ما كتفهم شي دابا هَد الشي الّي كنعمل، وَلكن من بعد غادي تفهم."

كنقول لكُم الحقّ، العبد ماشي حسَن من سيّدو، ولا المرسول حسَن من الّي صيفطوْ.

إدا عرفْتو هَد الشي، ها أنتُمَ مبروكين إدا عملْتوه.

ناض من العشا وْحيّد الحوايج ديالو وْشبّر واحد الفوطة وْتحزّم بِها. وْمن بعد كبّ الما في السطال وْبدا كيغسل الرِّجلين د التلامد وْكيمسحوم بالفوطة الّي كان محزّم بِها.