Popular Bible Verses from လက် 9

Share

ဇဝ် ယေဆူ ဝီ ကာလာင် ဒီ ဂေ ဒူအီ ဘောကာဂ့လျီတ် အီ ထူမ် ဂြုဝ်း အန် တဝ်း၊ “အာဆေ ဆီ ဒူပ် အုဝ်၊ ကွဲ့ တဲး အန် ဘူင် ပီ အိုင် အန်။ ဒွန် ဆီငဲ၊ ဒွန် ဆီငဲ၊ အန် လုဝ် ဘ့လေး နဝ်း အန် တဝ်း၊ ‘ဆေ အုဝ် ဘော လုဝ် ယမ်၊ အုဝ် ယီ ဒီ ဒူပ် အန် ဇဝ် ဆေဆေ။’

အာဆေ ကာဝေ အာဆာက် အန်၊ အာဆာက် အန် ဒီ စှိုမ်။ အာဆေ ယီ တူ ယုဝ် ဒီ ယမ် ကူပ် ညှိုမ် အန် ဒီ အုဝ်၊ အန် ဒီ ဝီ ပွိုန် အာဆာက် ကာမာယ်။

ဇဝ် ယေဆူ ယီ တဝ်း ဒီ အန်၊ “ဆေ န့ မုး ဒူအီ ထဲ နာ၊ အန် တူ ယွတ် ဝိဝ် နာ ပန်။ ဆေ န့ ယီ မိုဝ်း ဒူအီ အီ ယွတ် ဝိဝ် နာ ပန်၊ ဒူအီ ဝီ တီ တူ ကာအာပ် ဘူင် ဂါန် ခဲင် မိူင် ပီ အိုပ် ဇဝ်ဖြာ။”

ဆေ ဒူအီ အူ ဝီ ပွိုန် တူတ့် ဒွန် မျုဝ် အီ မိုဝ်း ဒဲင် ကာဒါယ် နီ၊ အာဆာက် အန် ယီ စှိုမ်၊ မှဝ် န့ ဒီ ပါယ် ဒီ ဘဲန် အာဂျိုဝ် ဒီ အန်။း

ဆေ ဒူအီ ဆာယ် ဒီ တဝ်း၊ အန် ညှိုမ် အုဝ် ဘော ဂြုဝ်း အုဝ်၊ န့ ဒီ ဇမ် အူ ဆီငဲ၊ အုဝ် မိူဝ် ဒီ ဆာယ် ဒီ တဝ်း၊ ‘အုဝ် ဟဲ့ နပ် ဒူအီ ဝီ တီ။’ အုဝ်၊ အီ ဟဲ့ ဘဲန် ဂွန် ဒူအီ၊ အုဝ် ဒီ ဝီ တး လူင် ဒဲင် ကာဒါယ် နီ။ အုဝ် ဒီ ဘော ဘျ အာရူင် ဘ့လာင် အုဝ်၊ ဘျ ဘော အာရူင် ဘ့လာင် ဂုန့် အုဝ် ဘော ဂေ အာမူ အာမာတ် အန် အီ ဟဲ့ ဘွတ် ကာဆဝ်။ ပန် အန် တီ၊ အုဝ် ဒီ ဘော ဆာယ် ဒီ တဝ်း၊ အုဝ် ဟဲ့ နပ် ဒူအီ ဝီ တီ။

ဇဝ် ယေဆူ ဝီ တဝ်း၊ “ဂေ မာဆုဝ် ပြဲ ဟဲ့ မိုဝ်း ကာဒဝ်။ ဘော ဂေ မာဆိမ် ဟဲ့ မိုဝ်း ကာဟုန်။ န့ ယီ မုး အုဝ် အီ ဟဲ့ ဘဲန် ဂွန် ဒူအီ၊ အုဝ် တူ မိုဝ်း ဒူင် ဒီ တမ်။”

အန် ဘော တဝ်း ဒီ ဒီဘဲ အန်၊ “အာဆေ ရွုး ဂွန် ဒီတဲတ် ပီ ဂွန် ဝီ နီ ကူပ် ညှိုမ် အန် ဒီ အုဝ်၊ န့ ပီ၊ အန် ရွုး အုဝ်။ အာဆေ ယီ ရွုး အုဝ်၊ အန် ဘော ရွုး အန် ဇဝ် အီ တိုယ် အုဝ် တး ဒဲင် ကာဒါယ် နီ။ ဆေ န့ ယီ မိုဝ်း ဒူအီ အူ ဝီ အီ ကွယ် ကာတဲ ဘေ၊ ဆေ အာရေ အန် အာဝ် တာင် မာဆေ၊ အန် ဟဲ့ မုး ဒူအီ အီ တာင် လွှိုမ် အီ ဟဝ်။”