Popular Bible Verses from လက် 4

Share

“နဝ်း ဖွိုမ် ဇဝ်ဖြာ ဟဲ့ အိုပ် အုဝ်၊ ဟဲ့ ရဝ်း အုဝ်၊ တဲး အုဝ် ကာလာင် ဂြုဝ်း ဒီ ဂေ ဒူအီ အီ မွှိုမ် ကာဝေ၊ တဲး ဂေ ဘဲန် နဝ်း ဒါခိုယ်။ အန် ဇဝ် ဘော တိုယ် အုဝ် ဟာဝ် ကာလာင် ဒီ ဂေ အီ ကွယ် ခဲင် ကာပိုမ်၊ တဲး ဂေ ပွိုန် ဒီ လေး ခဲင် ကာပိုမ် ဒူင် ကွယ် ဂေ တီ။ အန် ဇဝ် တဲး အုဝ် ကာလာင် ဘော ဒီ ဂေ ဒူအီ ငါယ် အပ်၊ တဲး ငါယ် ဂေ ဝီ ဘ့လာင်။ ဂေ ဒူအီ မိုဝ်း နဝ်း လိုဝ်၊ အုဝ် ဘော လုဝ် တဲး ဂေ ဝီ ဒါခိုယ်။ အန် ဇဝ် မိူဝ် တဲး အုဝ် ကာလာင် လွင် အာခြာဝ် မွှိုမ် ပီ ဒွါ ဇဝ်ဖြာ ဒီ ဒူအီ၊ တဲး ဂေ လေး ခဲင် ဒုက်။” ခဲ့ တီ ဇဝ် ယေဆူ တိး ခဲင် ဘပ် ဇဝ်ဖြာ တွိုန်။

အန် ဟဲ့ ဟွတ့် တဝ်း ပါယ် တီ၊ ဇဝ် ယေဆူ ဝီ တဝ်း ဒီ အန်၊ “ခဲင် ဘပ် ဇဝ်ဖြာ ဟဲ့ ဒဲမ် အုန် ပါယ် နီ။ န့ တဝ်း၊ ‘ဘေ လုဝ် ကြိုပ် မီ ဇဝ်ဖြာ၊ အီ မုး ဇဝ်ဖြာ ပီ ကြိုပ် ဘေ။ ဘေ လုဝ် ဘူင် ဂါန် ဇဝ်ဖြာ အူ ကာဒင် တီ၊ ကွဲ့ ကြိုပ် ပေါ ကာဒင်။’”

အန် ဟဲ့ ဟွတ့် ကာလာင် ပါယ် တီ၊ ဇဝ် ယေဆူ ဝီ ဝျီ့ ဂြုဝ်း တီ။ အန် တဝ်း၊ “ခဲင် ဘပ် ဇဝ်ဖြာ န့ တဝ်း၊ ‘ဆေ ဒူအီ မိုဝ်း မီ ပီ ဒီ ဟူမ် အူ မျုဝ်၊ အာဝ် ဂ့လိုမ်။ န့ ဆီ လုဝ် ပေါ န့ ပွါ။’”

ဒေါ ဝီ လေး ဇဝ် ယေဆူ ခူပ် ဘ့လဲင် ယောဒါန် တွိုန်၊ နဝ်း ဖွိုမ် ဇဝ်ဖြာ ဟဲ့ နုဝ့် ခဲင် နဝ်း အန်။ နဝ်း ဖွိုမ် ဇဝ်ဖြာ တီ ဝီ ဆုတ့် ဇဝ် ယေဆူ ဟာဝ် ခဲင် ပြဲ ကာဟဝ်း။

ဇဝ် ယေဆူ ဝီ တဝ်း၊ “ခဲင် ဘပ် ဇဝ်ဖြာ န့ ဘော ဒဲမ် အုန် ပါယ် နီ။ န့ တဝ်း၊ ‘ကွဲ့ ထေဝ် နဝ်း ဇဝ်ဖြာ၊ အီ မုး ဇဝ်ဖြာ ပီ ကြိုပ် မဲ။’”

ဘုဝ် ကာနမ် ဟဲ့ ဟွတ့် ထေဝ် နဝ်း ဇဝ် ယေဆူ ဘဲန် မျုဝ် ဘဲန် မျုဝ်၊ အန် ဝီ လေး ဟာဝ် ဒူင် ကွယ် ဇဝ် ယေဆူ။ အန် ဘော နှဝ့် ဘ်ု ဒီ ယွတ် ဆီငဲ မှဝ် အန် ဒီ ဝီ ပွိုန် ဒီ ထေဝ် နဝ်း ဇဝ် ယေဆူ။

ဝါယ် အန် တီ ဘုဝ် ကာနမ် ဝီ တိုယ် ဇဝ် ယေဆူ၊ တဲး အန် ဇမ် ဒူင် စာ ကာဆဝ် အူ ပ့လုဝ့်၊ တဲး အန် ယွတ် မာန် မိူင် ဒွန် ပ့လုဝ့် ဒဲင် ကာဒါယ် နီ။ ဘုဝ် ကာနမ် ဝီ တဝ်း၊ “တဲး မဲ ယွတ် အာတီ ဒွန် မျုဝ်။ ဘော ကြုဝ်ကြာမ် တီ၊ ဘော ပွုန် ဘော အာဖုင် ဒင်ခုဝ် အန်၊ အုဝ် ဒီ ဒွါ တူတ့် ဒီ မဲ။ ဇိုဝ် တီ ဒွန် မျုဝ်၊ န့ မုး အုဝ် အီ အိုပ် တူတ့်။ အုဝ် ဘော အိုင် ဒီ ဒွါ ဒီ အာဆေ၊ အုဝ် ဟဲ့ ပွိုန် ဒွါ ဒီ ဝီ တီ။ ဆေ မဲ ဘော ကြိုပ် အုဝ်၊ ပီ ယိုဝ် မဲ တီ ဒွန် မျုဝ်၊ န့ ဒီ ဘဲန် ကြုဝ် မဲ။” အန် ဟဲ့ ဟွတ့် တဝ်း ပါယ် တီ၊ ဇဝ် ယေဆူ ဝီ တဝ်း ဒီ အန်၊ “ခဲင် ဘပ် ဇဝ်ဖြာ ဟဲ့ ဒဲမ် အုန် ပါယ် နီ။ န့ တဝ်း၊ ‘ဘေ လုဝ် ကြိုပ် မီ ဇဝ်ဖြာ၊ အီ မုး ဇဝ်ဖြာ ပီ ကြိုပ် ဘေ။ ဘေ လုဝ် ဘူင် ဂါန် ဇဝ်ဖြာ အူ ကာဒင် တီ၊ ကွဲ့ ကြိုပ် ပေါ ကာဒင်။’”

အန် ဟဲ့ ဟွတ့် ကာလာင် ပါယ် တီ၊ ဘုဝ် ကာနမ် ဝီ တိုယ် ဇဝ် ယေဆူ ဟာဝ် ဇမ် ခဲင် မိူင် ယေရူဆာလဲမ်၊ တဲး အန် ကွယ် ဒဲင် ကာတု ဟုဝ် ဇဝ်ဖြာ။ အန် ဘော တဝ်း ဒီ ဇဝ် ယေဆူ၊ “ဆေ ဟဲ့ မှာန်၊ မုး မဲ ဂွန် ဇဝ်ဖြာ၊ တဲး မဲ ဘုင်ဘ့လုး ဘျွာ ဒူင် ကွယ် မဲ နီ။ ခုဝ်၊ ခဲင် ဘပ် ဇဝ်ဖြာ န့ ဟဲ့ ဒဲမ် အုန် တဝ်း၊ ‘ဇဝ်ဖြာ ဒီ စ်ု ဂေ အာမူ အာမာတ် အန်၊ တဲး ဂေ လိုမ်လာ ယွတ် ဆီချာ မဲ။’ ပေါ အူ ပ့လုဝ့် န့ တဝ်း၊ ‘ဂေ အာမူ အာမာတ် ဇဝ်ဖြာ၊ ဂေ ဒီ ဘ်ု ဒီ စုဝ့် မဲ တာ ဒဲ ဂေ၊ တူ တဲး ပ့လဝ် မဲ တာ ဒုး ဒီ မာဝ်။’” ဇဝ် ယေဆူ ဝီ တဝ်း၊ “ခဲင် ဘပ် ဇဝ်ဖြာ န့ ဘော ဒဲမ် အုန် ပါယ် နီ။ န့ တဝ်း၊ ‘ကွဲ့ ထေဝ် နဝ်း ဇဝ်ဖြာ၊ အီ မုး ဇဝ်ဖြာ ပီ ကြိုပ် မဲ။’”