Popular Bible Verses from ယဟ 21

Share

ဂေ ဘောကာဂ့လျီတ် ဟဲ့ ဟွတ့် ဟူမ် ဘူမ် ညှာ ဂေ၊ ဇဝ် ယေဆူ ဝီ တဝ်း ဒီ အာဆီမူန်၊ အီ စိူဝ် ဘော အာပေတာရူ၊ “မဲ အာဆီမူန် အီ မုး ဂွန် အာယောဟာန်၊ တဲး မဲ ကာလာင် ဒီ အုဝ်။ ဟဲ့ မှာန်၊ မဲ ရွက့် အုဝ် လွှိုမ် ဂေ နီ ရွက့် အုဝ်။း” အာပေတာရူ ဝီ တဝ်း၊ “ဟဲ့ မှာန်။ မဲ ဇဝ်၊ မဲ နပ်၊ အုဝ် ရွက့် မဲ။” ဇဝ် ယေဆူ ဝီ တဝ်း၊ “တဲး မဲ ဟျီင် ဂေ ဒူအီ အီ ပီ ဂွန် မာဘူ အုဝ်။” ပေါ အူ ဇေန့် ဇဝ် ယေဆူ တဝ်း၊ “မဲ အာဆီမူန် အီ မုး ဂွန် အာယောဟာန်၊ တဲး မဲ ကာလာင် ဒီ အုဝ်။ ဟဲ့ မှာန်၊ မဲ ရွက့် အုဝ်။း” အန် ဝီ တဝ်း၊ “ဟဲ့ မှာန်။ မဲ နပ်၊ အုဝ် ရွက့် မဲ။” ဇဝ် ယေဆူ ပီ ဝီ တဝ်း၊ “တဲး မဲ ဟျီင် ဂေ ဒူအီ အီ ပီ မာဘူ အုဝ်။” ပေါ အူ ဇေန့် ဇဝ် ယေဆူ ပီ ဝီ တဝ်း၊ “မဲ အာဆီမူန် အီ မုး ဂွန် အာယောဟာန်၊ တဲး မဲ ကာလာင် ဒီ အုဝ်။ ဟဲ့ မှာန်၊ မဲ ရွက့် အုဝ်။း” ဒေါ အန် တီ အာပေတာရူ ဝီ က့လိုဝ် ကူပ် ဒီမွှတ် ဇဝ် ယေဆူ ဒီ အန် အူယ် ဇေန့် တဝ်း၊ “ဟဲ့ မှာန်၊ မဲ ရွက့် အုဝ်။း” အန် ပီ ဝီ တဝ်း၊ “မဲ ဇဝ်၊ မဲ နပ် တူတ့် ဒွန် မျုဝ်။ မဲ ဘော နပ်၊ အုဝ် ဟဲ့ ရွက့် မဲ။” ဇဝ် ယေဆူ ပီ ဝီ တဝ်း၊ “တဲး မဲ ဟျီင် ဂေ ဒူအီ အီ ပီ မာဘူ အုဝ်။

အုဝ် တဝ်း အာခ်ု ဒီ မဲ။ ခါ အာတ့် ဒေါ ဆီ နှိုမ် မဲ၊ မဲ နပ် ဒီ စှိုပ် ခြိုင် စှိုပ် ဆဲ့ ရာင် မဲ၊ ဝီ ဟာဝ် ဒွန် နာ ဒွန် ပ့လုဝ့်၊ ဒူပ် ပီ အိုင် မဲ။ ဆေ မဲ ဟီ ကတ်၊ မဲ ဒီ ဒပ် ဒဲ မဲ။ န့ ဒီ ဘော မိုဝ်း အီ ဟဝ်၊ ဂေ ဒီ စှိုပ် ဆဲ့ ပေါ အူ မျုဝ် ဒီ မဲ၊ တိုယ် မဲ ဟာဝ် ဒူင် တူ ဆီ ဟာဝ် မဲ။”

ပန် တီ အန် ဝီ တဝ်း၊ “တဲး ဘေ ဘျွာ န့ရပ် ဘေ ဘ့လာက် အာအး ရိုဝ် ဘေ။ ဘေ ဒီ ဘော ပွိုန် မာဂါ မင် ဒုဝ်။” ဂေ ဘော ဘူင် ပါယ် တီ၊ ဘော မိုဝ်း မာဂါ ကိူန် ကာဆဝ် လိုပ် ခဲင် န့ရပ် ဂေ။ ဂေ ကော ဟူ ပဲ ဒီ ဒိူတ် န့ရပ် တဲး မာဂါ လိုပ် ခဲင် ရိုဝ်။

ဒေါ အန် တီ အာပေတာရူ ဝီ တဝ်း ဒီ ဂေ၊ “အုဝ် ဒီ ဟာဝ် မှေတ့် ဂါ။” ဂေ ဝီ တဝ်း၊ “ယေ ဒီ ဟာဝ် ဒူပ် မဲ။” ပန် တီ ဂေ ဝီ လေး ခဲင် ကာင် ဒူင် ကွယ် ဂေ၊ ဝီ ဟာဝ် လိုပ် ခဲင် ရိုဝ်။ ခဲင် မှိုဝ် တီ၊ ဂေ ယီ တူ ပွိုန် မာဆေ။