ပန် တီ ဇဝ်ဖြာ ဝီ တဝ်း ဒီ အန်၊ “အုဝ် ဟဲ့ ယိုဝ် ဒုက် တာင် ပီ လုဝ် ခမ် ဂေ ဒူအီ ပီ အိုပ် အုဝ်၊ အီ ကွယ် ခဲင် မိူင် အဲဂိုပ်။ အုဝ် ဟဲ့ ထူမ် လွင် ပီ ဒတ် တာင် ဂေ ကူပ် ခမ် ကာဆဝ် ဂေ ဒီ ဒူအီ အီ အိုပ် ဂေ ဘော ခါနှာပ် ဂေ ဘူင် ဂါန်။ ခုဝ်၊ အုဝ် ဟဲ့ လေး ခဲင် ဂါင်ဟြာဝ်၊ လူင် တး ဇမ် ဒီ နီ၊ တဲး အုဝ် စွယ် ဂေ၊ တဲး ဂေ ပွိုန် ဒီ လေး ခဲင် မိူင် အဲဂိုပ်၊ ကွဲ့ ဟူ တဲး ဒူအီ အဲဂိုပ် ပွိုန် ဒီ အိုပ် ဂေ။ အုဝ် ဒီ တိုယ် ဂေ ဟာဝ် ဇမ် ခဲင် မိူင် ပေါ မိူင်၊ အီ မုး မိူင် တာင်၊ မိူင် ကာဝဝ်း။ ကာဒါယ် ခဲင် မိူင် တီ၊ န့ ဘွတ်၊ တဲး ဂေ မိုဝ်း ဟေ ဘော ဘ့လေ ဒွန် မျုဝ်၊ တဲး ဂေ မိုဝ်း ပီ ဒီ လုဝ် ဂေ ဒွန် မျုဝ်။ ဂေ ဒူအီ အီ ကွယ် ခဲင် မိူင် တီ၊ န့ မုး ဒူအီ ဘဲန် မျုဝ် ဘဲန် မျုဝ်။ ဘော ဂေ ဒူအီ ကာနန့်၊ ဒူအီ ဟေထိတ်၊ ဒူအီ အာမုဝ်ရိတ်၊ ဒူအီ ဖေရေဆိတ်၊ ဒူအီ ဟီဝိတ်၊ ဘော ဂေ ဒူအီ ယေဘူဆိတ်၊ ဂေ ဘောကာဂ့လျီတ် ကွယ် ခဲင် မိူင် တီ။ အုဝ် ဟဲ့ ဟွတ့် နပ် တူတ့် လွင် ခမ် ကာဆဝ် ဂေ ဒူအီ အီဆာရေလ။