နဝ်း ဖွိုမ် ဇဝ်ဖြာ ဝီ တဝ်း ဒီ အာဖီလိပ်၊ “တဲး မဲ ဟာဝ် ချြီ့ လက်လဝ် တီ ဘော ဟာဝ် ရိုမ် ဒူပ် အန်။”
ပန် တီ အာဖီလိပ် ဝီ ဟာဝ် ချြီ့ လက်လဝ် တွိုန်။ အန် ဝီ ယိုဝ် ဒူအီ တွိုန် တိး ထမ် ခဲင် ဘပ် ပီ ဒဲမ် ဒါ ဆာရာ အာအီဆာယ၊ အီ မုး ဒူအီ အီ ဘျာန် ဂြုဝ်း ဇဝ်ဖြာ။ ပန် တီ အာဖီလိပ် ဒီမွှတ် အန် တဝ်း၊ “အိုယ် ဒါ၊ မဲ နပ် လွင် ဒါင် ဂြုဝ်း ပီ တိး မဲ တီ။း”
ဒူအီ အီ တး မိူင် အေထီအူပ် တွိုန်၊ အန် ဝီ ဝျီ့ ဂြုဝ်း တီ တဝ်း၊ “မှဝ် အုဝ် ဒီ ပါယ် ဒီ နပ် ဂြုဝ်း အန် တီ၊ ဆေ အာဝ် မိုဝ်း ဒူအီ မာနုဝ် အုဝ်။း” အန် ဟဲ့ ဟွတ့် တဝ်း ပါယ် တီ၊ အန် ဝီ ဒဲ့ အာဖီလိပ် တး ဟုဝ့် ဒဲင် လက်လဝ် အန်၊ တဲး ဂါယ် ကွယ် ရိုမ်။