Popular Bible Verses from ပရ 3

Share

ခုဝ် အန် တီ ဒေါ တီ နီ၊ ဘေ လုဝ် ဝဲန် နဝ်း ဘြိမ် ဘေ၊ ဒိုဝ်း နဝ်း ကာမာယ် ပီ ဒွါ ဇဝ်ဖြာ ဒီ ဘေ၊ တဲး ဇဝ်ဖြာ ဂဝ်း ဝဲန် မှာပ် ဘေ၊ တဲး အန် ဝီ ဒွါ အာခြာဝ် ဒီ မိုဝ်း ဘေ နဝ်း ဒါခိုယ်။

အာပေတာရူ ယီ တဝ်း၊ “ရွိုန် ဂါယ် ခြိဝ် အုဝ် တူ မိုဝ်း။ ခဲ့ ပီ မိုဝ်း အုဝ်၊ အုဝ် ယီ ဒွါ ဒီ မဲ။ ဇဝ် ယေဆူ၊ အီ တး မိူင် နာဆာရေတ့်၊ အီ မုး အန် ဇဝ် ပီ ရဝ်း ပီ တိုယ် ဇဝ်ဖြာ တဲး အန် ချွတ် ဒူအီ၊ ကူပ် ဂါဝ် အုဝ် ပွုန် ဇဝ် ယေဆူ တီ၊ တဲး မဲ ယိတ့် ဟာဝ်။”

အန် ဟဲ့ ဟွတ့် ကာလာင် ဂြုဝ်း တီ၊ အန် မိူဝ် ပါ ဒဲ အာအး ဒူအီ ဆဝ် တီ၊ စွယ် အန် ယိတ့်။ ပန် တီ ပ့လဝ် အန် ဘော ကာဆွင့် ပ့လဝ် အန် ဝီ မိုဝ်း ပ့လူမ် အူ ဇေန့်။ အန် ဘော ယိတ့် ဟာဝ် အူ ဇေန့်။ ဟဲ့ ဟွတ့် ပန် တီ အန် ဝီ ဒူပ် အာပေတာရူ ဟာဝ် လိုပ် ခဲင် ဟုဝ် ဇဝ်ဖြာ။ အန် ဘော ဝိန် ဒီ လဲ ဘော ခူယ်။ အန် ဘော အိူပ် ဇဝ်ဖြာ၊ ကာလာင် လွင် ပွုန် ဇဝ်ဖြာ။

ဒူအီ ပီ ယိုဝ် ဘေ နီ၊ ဘေ ဒွန် အီ ဟဲ့ နပ် အာဆေ အန် မုး။ အန် ဟဲ့ ညှိုမ် ဇဝ် ယေဆူ မိုဝ်း ပွုန်။ ဟဲ့ ဟွတ့်၊ ဇဝ် ယေဆူ ဟဲ့ ပီကဲန် အန်၊ တဲး ပ့လဝ် အန် ဝီ မိုဝ်း ပ့လူမ်။ န့ မုး ပွုန် ဇဝ် ယေဆူ ဘော နဝ်း ညှိုမ် ပီ ဒွါ ဇဝ် ယေဆူ ဒီ ဒူအီ နီ၊ န့ ဟဲ့ တဲး အန် ကဲန်၊ တဲး ဘေ ဒွန် အီ ပွိုန် ဒီ ယိုဝ်။