Popular Bible Verses from ပရ 16

Share

အာပေါလူ ဂါယ် အာဆီလာတ်၊ ဂါယ် ဝီ တဝ်း၊ “တဲး မဲ ညှိုမ် ဇဝ် ယေဆူ။ ဟဲ့ ဟွတ့်၊ ဇဝ်ဖြာ ဒီ ချွတ် ဘော မဲ၊ ဘော န့ဟူမ် မဲ။”

ခဲင် မှိုဝ် တီ၊ ကာတဲ ဆွိုမ်၊ အာပေါလူ ဂါယ် အာဆီလာတ်၊ ဂါယ် ကွယ် ဆာခိုဝ် တဝ်း မှုဝ် ထမ်၊ အိူပ် ဇဝ်ဖြာ။ ဂေ အီ ဟဝ် အီ ကွယ် ခဲင် ကာပိုမ် တွိုန်၊ ဂေ ဘော ထူမ် ပီ တဝ်း ဂါယ်။ ဒေါ အန် တီ အူ ဇေန့်၊ မာအိမ် ဝီ ယေန့် ကာဆဝ်၊ တဲး စေန့် ရွင့် ဘော ရဲင် ခဲင် ကာပိုမ် ကာပျာတ့် လိုဝ် တူတ့် အူ ဇေန့်။ မာလုဝ်း ဒွန် မာလုဝ်း ဘော န့ ဝိုဝ်း။ ဝန် ဟိန် ပီ ပက် ဂေ ဒီ ဒဲ ဘော ပ့လဝ် ဒွန် အီ ဘော ကာဝိုဝ်း စုဝ်း တူတ့်။

အန် ဟဲ့ ဟွတ့် တဲး ဂါယ် လေး ခဲင် ကာပိုမ်၊ အန် ဝီ တဝ်း၊ “ဘာယ် ဒါ ဆာရာ အုဝ်၊ မာဆေ ပီ လုဝ် ဘူင် အုဝ်၊ တဲး န့ ချွတ် အုဝ်။း”

ဒေါ အန် တီ ဒါ အီ ဘ်ု ကာပိုမ်၊ အန် ဟဲ့ အိတ်။ အန် ဝီ န့ဆိုဝ်း၊ ဝီ ယိတ့် ဘော ယိုဝ် မာလုဝ်း ခဲင် ကာပိုမ် ဟဲ့ န့ဝိုဝ်း တူတ့်။ အန် ဝီ ထွတ် မာပွါ့ လာင် အန်၊ တဝ်း ဒီ ငဝ်း အာဆာက် အန်။ အန် ထာင်၊ ဂေ ဒူအီ အီ ကွယ် ခဲင် ကာပိုမ် ဘောကာဂ့လျီတ် ဟဲ့ ဟွတ့် လေး တဝ် တူတ့်။ အာပေါလူ ယီ ဒတ် ဒီ အန် တဝ်း၊ “မဲ ကွဲ့ ငဝ်း အာဆာက် မဲ၊ ကွဲ့ ဘူင် မာဆေ။ ယေ ဒွန် အီ ဆီ ကွယ် ခဲင် ကာပိုမ် နီ။”