Popular Bible Verses from Luka 4

Share

Papuvita ve Arahoha ara ita laipea. Ipi are araro teoru sa veveti hailareva leita fari la karu merava la itoro ari vei, aea iroro ita fasaita karu la felaukea paraeaita o la itoro a’, ofae kuku karu ve ofae la feferopeaita o ta moi vei araro itapi la me meha; aeata karu sa lei haisora leita lea karu la paraeai vei, Papuvita sa maeaforoe leita sisoro la itoro ari vei.

A—, Iesu tava o arero mō ōpe, O mō uka laisisea, A Papuvita ave Ualare la maso toa, arero haria la taivotei maeatia.

A—, Iesu tava o mō ōpe, O mō uka laisisea, Karu ve makuri ve ipi larietau voa haria kasirau.

Soka Iesu Safu Arahoha Lareva sa soa’, Ioridana mai la kiripi ata kerori, Safu Arahoha Lareva arero furuka merava voa lariōvi kei

A—, Iesu tava o arero mō ōpe, O aeata meha, a Papuvita ave Ualare la etau leiti vei levi seseovaia.

Arero seseovi kureaiape mai foromai lei lei kalei, Diabolo arero kiripi taheka foaipe.

Aite Diabolo arero lariōvi patei, mearovaeka ve basileia hariaharia foromai la soa farakeka arero muiōpe reha. Muia arero mō ōpe, Ara mea siahu ita sosorusosoru ita foromai la aro miarai roi, ipi mea etau etau araro miōri laisisea, aea ara sa haikaeaita lea karu la erero miarai roi. Mea etau foromai ave etau leiti roi, a araro sukakoka hiopi taivotait’ oria. A—, Iesu tava o arero mō ōpe, O mō uka laisisea, A Papuvita ave Ualare la maso toa, arero haria la taivotei maeatia.

Aite Diabolo arero Ierusalema voa lariōvi foreri, arero ovi Maso Uvi ve tao voa vipi, arero mō ōpe, A Ualare ve Atute oria, a ipi voa forea faukaia; ipi o mō uka laisisea, Are areve aneru la aro kiva leiti o moi roi; aeata, Ere ereve mai sa aro tatavai roi, a ave mora la fave sa toai ave. A—, Iesu tava o arero mō ōpe, O aeata meha, a Papuvita ave Ualare la etau leiti vei levi seseovaia.