Popular Bible Verses from မာကု 2

Share

ထိုစကားကို ကြားရို့ ယေရှုစာ ကျမ်းဆရာရို့ကို ပြောလီရေ၊ “ကျန်းမာသူရို့အတွက် ဆီးဆရာကို အလိုမဟိ၊ ယေကေလည်း မကျန်းမာသူရို့အတွက်ရာ ဆီးဆရာကို အလိုဟိရေ။ ငါ သူတော်ကောင်းရို့ကို ခေါ်ဖို့ လာစာ မဟုတ်၊ ယေကေလည်း ငါ လူဆိုးရို့ကို ခေါ်ဖို့ လာစာ ဖြစ်တေ။”

ယေရှုစာ သူရို့မာ ကျုံခြင်းတရားကို မြင်ရို့ ရောဂါသေကို ပြောလီရေ၊ “မိတ်ဆွေ၊ နင့် အပြစ်ကို ခွင့်ရွှတ်လိုက်ပျာ။”

ယေရှုစာ သူရို့ကို အရာလည်း ပြောလီရေ၊ “လူအတွက် သတင်းနိကို ဖန်ဆင်းလီစာ ဖြစ်တေ၊ ယေကေလည်း သတင်းနိအတွက် လူကို ဖန်ဆင်းလီစာ မဟုတ်။

ယေကေလည်း လူပရိတ်သတ် အများကြီး ဟိလီရေအတွက်န ရောဂါသေကို ယေရှုတို့ ယူလားဖို့ မရကတ်လီ။ ယင်းအတွက်န သူရို့စာ အိမ်ခေါင်တို့ တက်ရို့ ယေရှု ဟိစာတတည့် အိမ်ခေါင်ကို ရွှာကတ်လီရေ။ ယင်းနောက် သူရို့စာ ရောဂါသေကို သယင်းမာ ထည့်ရို့ သယင်းကို ကြိုးန ချိုင်ပြီးကေ ထိုအပေါက်က ချလိုက်ကတ်လီရေ။

ယေကေလည်း ဒေ ကမ္ဘာမာ လူအပြစ်ကို ခွင့်ရွှတ်ဖို့စာ တန်ခိုး မနုသသားတော်မာ ဟိရေဆိုစာကို ကိုယ်ဘင်ရို့ သိလတ်အောင် ငါ ကိုယ်ဘင်ရို့ကို ပြမည်။” ယင်းပိုင် ပြောရေအတိုင်း သူစာ ရောဂါသေကို ပြောလီရေ၊ “ငါ နင့်ကို ပြောရေ၊ ထ၊ နင့် အိပ်ရာကို ယူရို့ အိမ်တို့ လားလီ။”

ဒေသူကို ဇာပိုင် ပြောကေ ရွယ်ဖို့လည်း၊ ‘နင့် အပြစ်ကို ခွင့်ရွှတ်လိုက်ပျာ’ ဟို့ ပြောကေ ရွယ်ဖို့လော၊ မဟုတ်ကေ ‘နင့် အိပ်ရာကို ယူရို့ ထရို့ လားနီ’ ဟို့ ပြောကေ ရွယ်ဖို့လော?

ယင်းခါ ချက်ချင်း သူစာ ထရို့ ကိုယ့်အိပ်ရာကို လိပ်ယူပြီးကေ အားကုံးသူ ရှိက ပြင်တို့ ထွက်လားခလီရေ။ ယင်းသျှင့်ကို မြင်ရို့ အားကုံးသူ အံ့ဩပြီးကေ ထာဝရဘုရားကို ချီမွမ်းရို့ ပြောကတ်လီရေ၊ “ငါရို့ တစ်ခါလည်း ဒေပိုင် မမြင်ဖူးသိ။”