Popular Bible Verses from မဿဲ 18

Share

အကြောင်းကား တပည့်ရို့အထဲက နှစ်ယောက် မဟုတ်ကေ သုံးယောက် ငါ့နာမည်န တစ်စုတည်းစုရေဆိုကေ ငါစာ ယင်းနေရာမာ သူရို့နအတူ ရောက်ရို့ ဟိရေ။”

“ငါ နင်ရို့ကို အရာလည်း ပြောရေ၊ နင်ရို့အထဲမာ နှစ်ယောက် တစ်ညီတည်းစိတ်န တစ်ခုတစ်ခု အကြောင်းကို ယူရို့ ဆုတောင်းရေဆိုကေ ငါ့ ဂေါင်းခင်ဘုံသျှင် အဖစာ နင်ရို့အတွက် လုပ်ပီးလိမည်။

ယင်းခါ ယေရှုစာ အသျှေတစ်ယောက်ကို ခေါ်ရို့ ကိုယ်ရို့အလယ်မာ ရပ်စီလီရေ၊ အရာ သူစာ ပြောလီရေ၊ “ငါ နင်ရို့ကို အမှန် ပြောရေ၊ နင်ရို့ စိတ်ပြောင်းလှဲရို့ ဒေ အသျှေရို့ပိုင် ဖြစ်ကတ်ရဖို့။ ယင်းပိုင် မဟုတ်ဆိုကေ နင်ရို့ တစ်ခါလည်း ဂေါင်းခင်နိုင်ငံတော်တို့ ဝင်ရကတ်လိမည် မဟုတ်။

အသူမဆို ဒေ အသျှေပိုင် ကိုယ့်စိတ်နှလုံးကို နှိမ့်ချရေဆိုကေ ယင်းသူစာ ဂေါင်းခင်နိုင်ငံတော်မာ အားကုံးသူထက် အကြီးဆုံး ဖြစ်လိမည်။

အရာ အသူမဆို ငါ့နာမည်န ဒေ အသျှေပိုင် တစ်ယောက်ကို လက်ခံရေဆိုကေ သူစာ ငါ့ကို လက်ခံရေ။

“ငါ နင်ရို့ကို အမှန် ပြောရေ၊ နင်ရို့ ဇာ အကြောင်းအရာကိုမဆို ဒေ ကမ္ဘာမာ ဟန့်ရေဆိုကေ ဂေါင်းခင်ဘုံမာလည်း ဟန့်လိမည်၊ အရာ နင်ရို့ ဇာ အကြောင်းအရာကိုမဆို ဒေ ကမ္ဘာမာ အခွင့်ပီးရေဆိုကေ ဂေါင်းခင်ဘုံမာလည်း အခွင့်ပီးလိမည်။

ယင်းပိုင်တထန် နင်ရို့ အားကုံးသူ ကိုယ်ရို့မာ ညီအစ်ကိုကို စိတ်နှလုံးကပင် ခွင့်မရွှတ်ဆိုကေ ငါ့ ဂေါင်းခင်ဘုံသျှင် အဖလည်း နင်ရို့ကို ယင်းပိုင် လုပ်လိမည်။”

“ယေကေလည်း အသူမဆို ငါ့ကို ကျုံကတ်စာ အသျှေရို့အထဲက တစ်ယောက်ကို အပြစ်လမ်းတို့ ဆောင်ယူလားရေဆိုကေ ယင်းသူ လိုင်ဖင်းမာ ကျောက်လုံးကြီးတစ်လုံးကို ဆွဲရို့ ပင်လယ်ထဲတို့ ဘိုက်ချခြင်းကို ခံရစာပင် သူ့အတွက် ပိုရို့ ကောင်းဖို့သိ။

“နင်ရို့ ဇာပိုင် မှတ်ကတ်တေလည်း? ကိုင်လိုက်ဖိ၊ လူတစ်ယောက်မာ သိုးဆိတ်အကောင်တစ်ရာ ဟိရေ။ ထိုသိုးဆိတ် အကောင်တစ်ရာအထဲက တစ်ကောင် ပျောက်လားခရေဆိုကေ သူစာ ကိုးဆယ်နကိုးကောင်ကို တောင်ထက်မာ ထားဘိုက်ခရို့ ပျောက်လားခစာ သိုးဆိတ်ကို ရှာဖို့ လားရေ မဟုတ်လော?