Popular Bible Verses from လုကာ 9

Share

ယင်းနောက် သူစာ အားကုံးသူကို ပြောလီရေ၊ “အသူမဆို ငါ့နောက်က လိုက်ချင်ရေဆိုကေ သူစာ ကိုယ့်ကို ငြင်းပယ်ရဖို့ အရာ သူစာ နိတိုင်း ကိုယ့်ကားတိုင်ကို ရွက်ရို့ ငါ့နောက်က လိုက်ရဖို့။

အရာ အသူမဆို ကိုယ့်အသက်ကို ကယ်ဆယ်ချင်ရေဆိုကေ သူစာ ကိုယ့်မာ ထာဝရအသက်ကို ဆုံးရလိမည်၊ ယေကေလည်း အသူမဆို ငါ့အကြောင်းန ကိုယ့်အသက်ကို အဆုံးခံရေဆိုကေ သူစာ ကိုယ့်မာ ထာဝရအသက်ကို ကယ်ဆယ်လိမည်။

ယေရှုစာ သူ့ကို ပြောလီရေ၊ “အပ်ကိုင်းကို ကိုင်ရို့ နောက်တို့ လှည့်ကြည့်သူစာ ထာဝရဘုရား၏ နိုင်ငံတော်န မထိုက်တန်။”

အသူမဆို တစ်လောကလုံးကို အနိုင်ရရို့ပင်လည်း ကိုယ့်မာ ထာဝရအသက်ကို ဆုံးရရေဆိုကေ ယင်းသူမာ ဇာအမြတ် ဟိရေလည်း?

အသူမဆို ငါန ငါ့စကားကို ယူရို့ ရှက်တေဆိုကေ မနုသသားတော်လည်း ကိုယ့်ဘုန်းတန်ခိုး၊ အဖ၏ ဘုန်းတန်ခိုး အရာ သန့်ရှင်းစာ ဂေါင်းခင်နတ်သားရို့ ဘုန်းတန်ခိုးကို ဆောင်ရို့ ကြွလာရေခါ ယင်းသူကို ယူရို့ ရှက်လိမည်။

ယေရှုစာ သူ့ကို ပြောလီရေ၊ “ခဲဝါမာ တွင်းဟိရေ အရာ ငှက်မာလည်း တင်းဟိရေ၊ ယေကေလည်း မနုသသားတော်မာ အဂေါင်းချစရာ တစ်ရပ်မာလည်း မဟိ။”

အရာ သူစာ တပည့်ရို့ကို ပြောလီရေ၊ “အသူမဆို ငါ့နာမည်န ဒေ အသျှေကို လက်ခံရေဆိုကေ သူစာ ငါ့ကို လက်ခံရေ။ အရာ ငါ့ကို လက်ခံသူစာ ငါ့ကို ရွှတ်လိုက်သူကို လက်ခံရေ။ နင်ရို့အထဲမာ အားကုံးသူထက် အသျှေဆုံး ဖြစ်သူစာ အားကုံးသူထက် အကြီးဆုံး ဖြစ်တေ။”